دێکۆ بۆ هێڵی ناوەند و باڵی راستی تیمەکەی دوو ئەستێرەی پرێمەرلیگی دیاریکردووە
یاریگا –
بارسێلۆنا پلانەکانی گواستنەوەی یاریزانی نوێیان داڕشتووە و لیستەکە تا دێت کورت دەبێتەوە بۆ هەڵبژاردنی کۆتا بژاردە بۆ پێگە جیاوازەکانی یانە کەتەلۆنیەکە.
چالاکترکردنی هێڵی ناوەند و باڵی راستی یاریگا، ئەو دوو شوێنەن بارسا پێویستی بە چاکسازییە تێیدا، بۆ ئەو مەبەستەیش دێکۆی بەڕێوبەری وەرزشی بلاوگرانا دوو ئەستێرەی پرێمەرلیگی کردووەتە ئامانج.
بەگوێرەی زانیارییەکانی رۆژنامەی سپۆرتی کەتەلۆنی، دێکۆ بۆ پێگەی ناوەراست برونۆ گیمارایش و بۆ لای راستی یاریگایش لویس دیاز کۆتا بژاردەیەتی.
𝐔𝐧 𝐁𝐚𝐫𝐜̧𝐚 𝐝𝐞 𝐦𝐚́𝐱𝐢𝐦𝐨𝐬
🔥 Bruno Guimares y Luis Díaz encabezan la lista de refuerzos que maneja Deco y la 'dupla' sudamericana cuenta con el visto bueno de Hansi Flick
✍️ @joaquimpiera https://t.co/OTTs4t4THI
— Diario SPORT (@sport) June 18, 2024
برونۆی بەڕازیلی کە پێشتر لە لیۆنی فەرەنسی بوو، لە رەگەزە هەرە سەرەکییەکانی دوو وەرزی رابردووی نیوکاسڵە، بەڵام وەک سەرچاوە ئیسپانییەکە ئاشکرای کردووە، ئەو یاریزانە 26 ساڵییە تامەزرۆیە بۆ لەباوشگرتنی ئەزموونێکی نوێ.
هەرچی لویسی کۆڵۆمبیە، وەرزی رابردوو لە 37 یاریی پرێمەرلیگدا هەشت گۆڵی تۆمارکرد لەگەڵ پێنج ئەسیست. بە گوێرەی سەرچاوە ئیسپانییەکە، دیاز بووە بە بژاردەی یەکەم لەجێی نیکۆ ویڵیامزی ئیسپانی و یانەی ئاتلێتیک بیڵباو.
