یاریگا –
ئەمشەو لە یارییەکانی قۆناخی کۆمەڵەکانی جامی نەتەوەکانی ئەوروپای 2024، هەڵبژاردەی فەرەنسا لە یەکەم یاری خۆی رووبەڕووی هەڵبژاردەی نەمسا بووەوە و یارییەکەی 1-0 بردەوە.
سەرەڕای ئەوەی فەرەنسا بە ئاستێکی بەرز دەرنەکەوت، کیلیان ئێمباپێی ئەستێرەی یەکەمی هەڵبژاردەکەشی بەهۆی پێکان لەدەستدا.
👃 Mbappé es sustituido por una posible fractura en la nariz.
El francés se retiró del terreno de juego después de chocar contra el hombro de un jugador austriaco.
📌 Las asistencias tuvieron que atenderle en pleno encuentro y minutos después fue sustituido. pic.twitter.com/zefX2rBUMl
— Relevo (@relevo) June 17, 2024
هێرشبەرە فەرەنسییەکە لە خولەکی 85ـی یارییەکە بەهۆی بەریەککەوتنێکی توندی لەگەڵ کێڤن دانسۆی بەرگریکاری نەمسا، لوتی شکا و بەهۆی خوێنبەربوون و ئازارێکی زۆر یاریگای جێهێشت.
هەرچەندا کیلیان هەوڵیدا بەرهەڵستی پێکانەکەی بکات، دوای وەرگرتنی چارەسەری سەرەتایی گەڕایەوە یاریگا، بەڵام زۆری نەخایاند پاش چەند چرکەیەک لە گەڕانەوەی راستەوخۆ یاریگای جێهێشتەوە و نەیتوانی یارییەکە تەواو بکات.
پاش یارییەکە دیدێ دیشانی راهێنەری کەڵەشێرەکان دووپاتی کردەوە، کە پێدەچێت ئێمباپێ لوتی شکابێت، بەو هۆیەش ئەستەمە یاریزانەکە بۆ یاری داهاتووی هەڵبژاردەکەی بەرامبەر هۆڵەندا یاری بکات.
هاوکات ئانخێل مارتن، پزیشکی شارەزا لە بواری نەشتەرگەری لە لێدوانێکی بۆ رادیۆی مارکا ئاشکرایکردووە، ئەگەر کیلیان لوتی شکابێت پێویستە نەشتەرگەری بۆ بکرێت، بەو هۆیەش نابێت دوو بۆ سێ هەفتە لوتی بجوڵێت.
ئەمەش بەو واتایە دێت، ئەگەر ئەستێرە فەرەنسییەکە نەشتەرگەرییەکی لەوشێوەی بۆ بکرێت، لە سەرجەم یارییەکانی یۆرۆی ئەڵمانیا بێبەش دەبێت.
🚨 “If Kylian Mbappé has broken his nose, he will need a surgery and he might spend 2-3 weeks without moving his nose”, Doctor Ángel Martín for @RadioMARCA 🤕 pic.twitter.com/4j1JFwGmTk
— Madrid Zone (@theMadridZone) June 17, 2024
هاوکات فابریس برایند پزیشکی پێشووی هەڵبژاردەی فەرەنسا لە لێدوانێکی بۆ رۆژنامەی لیکیپی فەرەنسی رایگەیاند، لەوبڕوایەدایە ئێمباپێ پێویستی بە نەشتەگەرییەک دەبێت، بەو هۆیەش نزیکەی 10 رۆژ لە یاریکردن دادەبڕێت.
