پریڤیوی یاری: هەموو شتێك لە بارەی یاری پۆڵەندا و هۆڵەندا
یاریگا –
ئەمڕۆ یەكشەممە كاتژمێر 16:00 هەردوو هەڵبژاردەی پۆڵەندا و هۆڵەندا لە یەكەم یاریی خۆیان لە پاڵەوانیەتی یۆرۆی 2024 رووبەڕووی یەك دەبنەوە.
هەردوو هەڵبژاردەی هۆڵەندا و پۆڵەندا هاوشانی هەڵبژاردەكانی فەرەنسا و نەمسا لە كۆمەڵەی چوارەم دێن.
It’s time for #EURO2024! 🦁🧡🇳🇱#NothingLikeOranje #CreateHistory #POLNED pic.twitter.com/qTsKxQBIzt
— OnsOranje (@OnsOranje) June 16, 2024
ئەو یاریزانانەی ناتوانن بەشداری بكەن:
پۆڵەندا بە بێ گۆڵكارەكەی رۆبێرت لیڤاندۆڤسكی رووبەرووی هۆڵەندا دەبێتەوە.
هەرچی هۆڵەندییەكانە بە تەواوی یاریزانەكانیەوە بۆ رووبەڕووبوونەوەی پۆڵەندا ئامادەیە.
مێژووی رووبەرووبوونەوەی نێوان هەردوو هەڵبژاردە:
هەردوو هەڵبژاردە پێشتر 19 جار رووبەڕووی یەك بوونەتەوە، هۆڵەندا لە 9 یاری براوە بووە و پۆڵەنداش لە سێ یاری و لە حەوت یاریش یەكسان بوون.
هۆڵەندییەكان 28 گۆڵیان كردووە و پۆڵەنداش 19 گۆڵ.
دێنیس بێركامپ بە سێ گۆڵ و هەریەك لە پاتریك كلۆیڤێرت و ڤینالدۆم بە دوو گۆڵ گۆڵكاری رووبەڕووبوونەوەكانی نێوان هەردوو هەڵبژاردەن.
Who is winning today❓@bookingcom | #EUROfixtures pic.twitter.com/iiGZdszuRf
— UEFA EURO 2024 (@EURO2024) June 16, 2024
لێدوانی رۆناڵد كومان پێش رووبەرووبوونەوەی پۆڵەندا:
بەڕای من هیچ كاندیدێكی گەورە نییە، فەڕەنسا پاڵێوراوی بردنەوەی نازناوەكەی، بە لەبەرچاوگرتنی ئەو ئەزموونەی كە هەیانە.
لێدوانی مایكڵ پرۆبێرز پێش رووبەرووبوونەوەی هۆڵەندا:
لیڤاندۆڤسكی ناتوانێت بەشداری یاری بەرامبەر هۆڵەندا بكات، هیوادارین بۆ یاری نەمسا بگەڕێتەوە.
پێكهاتەی پێشبینیكراوی هۆڵەندا:
گۆڵپارێز: بارت ڤێربروغن
هێڵی بەرگری: ئاكێ، دی ڤرێی، ڤان دایك، دومفریس
هێڵی ناوەند: سخاوتن، فێرمان، رێندێرس
هێڵی هێرشبردن: گاكپۆ، دێپای، چاڤی سیمۆنس.
پێكهاتەی پێشبینیكراوی پۆڵەندا:
گۆڵپارێز: چێزنی
هێڵی بەرگری: كیویۆر، بێدنارك، فالوكیفێز
هێڵی ناوەند: فرانكۆفسكی، سلیز، مۆدەر، زێلینسكی، زالێفسكی
هێڵی هێرشبردن: پیكتێك، شاویدەرسكی
