یاریگا –
تەنها دوای دوو هەفتە لە فیناڵەکەی وێمبڵی کە 2-0 بە ریاڵ مەدرید دۆڕان، کێشە نێوخۆییەکانی بروسیا دۆرتمۆند تەقیەوە، بە جۆرێک لە یەکەم کارداندەوەدا بە رۆیشتنی ئێدین تێرزیچی راهێنەر کۆتایی هات. بەڵام ئەوەش وا دیارە هێشتا بەس نەبووە.
سەرچاوە جیاوازەکان باسیان هۆکاری کێشەکە دەکرد بەوەی نێوان تێرزیچ و هەمڵس خراپ تێکچووە و رەخنە لەو راهێنەرە بە زۆریی ئەنجامەکانی بۆندسلیگا بووە کە پلەی پێنجەمیان بۆ مایەوە ئەگەرچی دەستەبەری چامپیۆنزلیگی وەرزی داهاتووشیان دەکات ئەو پێگەیە.
بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، سەرەڕای رۆیشتنی تێرزیچ هێشتا چاوەڕوان دەکرێت ئەم هاوینە هەمڵسیش بڕوات وەک یاریزانێکی ئازاد.
🚨🟡⚫️ Mats Hummels, still expected to leave BVB as free agent this summer despite Edin Terzić exit.
He’s gonna assess all his option in the next days with priority to European clubs.
⛔️ Hummels has already rejected an approach from Saudi Pro League, NO plans to play there. pic.twitter.com/Sf6lF4I5To
— Fabrizio Romano (@FabrizioRomano) June 13, 2024
رۆمانۆ ئەوەشی زانیوە کە لە رۆژانی داهاتوودا بەرگریکارە ئەڵمانیەکە هەموو بژاردەکان هەڵدەسەنگێنێتب و گرنگیدانی لەپێشینەیشی یانەکانی ئەوروپایە. پێشتریش ئۆفەری لە خولی سعودیە رەتکردووەتەوە و هیچ پلانێکی نیە لەوێ یاری بکات.
سەرەرای ئاستە بەرزەکەی لە چامپیۆنزلیگی وەرزی رابردوو، کە ناوی لە پێکهاتەی نموونەیی پاڵەوانێتیەکەیشدا هات، بەڵام جولیان ناگلیسمان ئەو یاریزانە 35 ساڵانەی بانگهێشتی هەڵبژاردەی ئەڵمانیا نەکردەوە.
