یاریگا –
ئەمڕۆ بە فەرمی بروسیا دۆرتمۆند و ئێدین تێرزیچ لەیەکتر جیابوونەوە دوای قووڵتربوونەوەی کێشەیەک کە بۆ ماوەیەک پێش ئێستا دەگەڕێتەوە و بەدیاریکراوی فیناڵی چامپیۆنزلیگ لە سەرەتای ئەم مانگە کاتێک لەگەڵ ماتس هەمڵس کە دۆخەکە ئاڵۆزییەکانی گەیاندە بنبەست.
رەخنە ناوخۆییەکان لەو راههێنەرە زیاتر بەهۆی ئەنجامەکانی بۆندسلیگاوە بوون کە پلەی پێنجەمیان بەدەستهێنا وەرزی رابردوو. ئەگەرچی ساڵی 2021 توانی جامی ئەڵمانیا بباتەوە، بەڵام وادیارە هێشتا زۆر گرفت هەبووە بێ چارەسەر مابوونەوە، هەر بۆیە ئەمرۆ زۆر بە کوتوپڕی داوای هەڵوەشاندنەوەی گرێبەستەکەی کرد و دۆرتمۆندیش رەزامەندی پیشان دا.
بەگوێرەی زانیارییەکانی گرایم بایڵی، پێشتر کە گراهام پۆتەری ئینگلیزی بژاردەی بەهێز بوو بۆ پۆستەکە، بەڵام ناوبراو ئەو لە لیستی بژرادەکانی دۆرتمۆندا نەماوە. بەم نزیکانە نوری شاهینی ئەستێرەی پێشووی یانەکە کە لەوەتەی زستانی 2023 یاریدەری راهێنەر بوو لە تەنیشت تێریزچ، وەک سەرپەرشتیاری یەکەمی یانە ئەڵمانیەکە دەناسێنرێت.
Dortmund have already done their work – Potter was considered but he won't be getting the role.
Nuri Sahin will take charge next season. Deal will be announced shortly. https://t.co/uyaFFQIlBX
— Graeme Bailey (@GraemeBailey) June 13, 2024
یەکەم ئەزموونی شاهین وەک راهێنەر، لەگەڵ یانەی ئەنتاڵیاسپۆر کە لە هەفتەی 23ی خولی تورکی تا کۆتایی تیمەکەی تووشی شکست نەهات، لە پلەی حەوتەم کۆتاییان بەو وەرزە هێنا.
شاهین کە ئێستا تەمەنی 35 ساڵە، تورکە و لە ئەڵمانیا لەدایک بووە. یەکێکە لە ڕەمزە دیارەکانی دۆرتمۆند و لە سێ ماوەی جیاوازدا درێسی ئەو یانەیەی پۆشیوە. کە ماوەکانی 2005-2011, پاشان لە 2013-2018 پێش ئەوەی رووبکاتە ڤێردەر برێمن.
