ڤایرۆسێک لەناو کەمپی شاندی هەڵبژاردەی فەرەنسا بڵاو دەبێتەوە
یاریگا –
یاریزانانی هەڵبژاردەی فەرەنسا لەگەڵ نزیکبوونەوە دەستپێکی رکابەرییەکانی یۆرۆ، لە کەمپی مانەوەیان لە ئەڵمانیا تووشی ڤایرۆسێک بوون.
تەنها سێ رۆژ ماوە بۆ یەکەم یاری فەڕانسا بەرامبەر هەڵبژاردەی نەمسا، رادیۆ مۆنتی کارلۆ بڵاویکردەوە کە رەنگە جۆرێک لە ڤایرۆس لە کەمپی مانەوەی یاریزانانی فەرەنسادا بڵاوبوبێتەوە.
دوێنێ چوارشەممە کاروانی هەڵبژاردەی فەرەنسا گەیشتە ئەڵمانیا. و بڕیارە پاشنیوەڕۆی ئەمڕۆ، مەشقێکی گشتی لە شاری پادەربۆرن لەبەردەم نزیکەی 4 هەزار هاندەر بەڕێوەببەن.
🔴 🇫🇷 Info RMC Sport : Depuis mercredi soir, quelques joueurs et des membres du staff de l’équipe de France ne se sentent pas bien. Certains se sont levés avec la sensation d’avoir attrapé froid, d’autres ont des crampes ou des maux de tête. S’agit-il d’un petit virus ? A priori… pic.twitter.com/J045pdWmrp
— RMC Sport (@RMCsport) June 13, 2024
بەڵام ئایا هەموو یاریزانەکان ئامادە دەبن؟ ئێستا گومان لەم بابەتە هەیە. بەگوێرەی هەواڵێکی رادیۆ مۆنتی کارلۆ، تا ئێوارەی رۆژی چوارشەممە، بەشێک لە یاریزانان و ئەندامانی ستافی فەرەنسی باری تەندروستیان تێکچووە.
هەندێک هەست دەکەن تووشی هەڵامەت بوون، هەندێکی تریش ئەمڕۆ بەیانی هەستیان بە گرژبوونی ماسولکەکان و سەرئێشە کردووە، ئەمەش وایکردووە ترسی ئەوەی ڤایرۆسێک لە کەمپەکە بڵاوبێتەوە هەیە.
هەڵبژاردەی فەرانسا لە کۆمەڵەی چوارەم دایە و دەبێت بەرواری 17 ئەم مانگە لە یەکەم یارییاندا لە کاتژمێر 22:00 بە کاتی هەولێر رووبەڕووی هەڵبژاردەی نەمسا ببێتەوە و لە دووەم یاریشیاندا لە بەرواری 21ـی مانگ رووبەڕووی هۆڵەندا دەبنەوە.
