له یۆرۆ رۆناڵدۆ سه‌ره‌كی ده‌بێت یان نا؟ راهێنه‌ری پورتوگال وه‌ڵام ده‌داته‌وه
ماتێنێز: به‌لێن به پورتوگالیه‌كان ده‌ده‌م
یاریگا –
رۆبێرتۆ مارتینێز، راهێنەری هەڵبژاردەی پورتوگال، خۆی لە پرسیارێک دەدزێتەوە کە سەبارەت بەوەی ئایا کریستیانۆ رۆناڵدۆ، له یۆرۆ لە پێکهاتەی سەرەکی هەڵبژاردەکەى پورتوگال ده‌بێت یان به‌شێوه‌یه‌كی یه‌ده‌گ به‌شداری ده‌كات.
ئەو پرسیاره دوای ئه‌وه‌هات، كه رۆناڵدۆ له یاریی به‌رامبه‌ر ئێرله‌ندا درەوشاوەییه‌وه، پورتوگال لە دوایین دۆستانه‌ی ئاماده‌كاری بۆ یۆرۆی 2024 بە سێ گۆڵی بێ وەڵام یارییه‌كه‌ی برده‌وه ، رۆناڵدۆش سەرکەوتوو بوو لە تۆمارکردنی دوو گۆڵ.
⏫ رونالدو 130 هدفا دوليا 🇵🇹🔥#مباراة_ودية #البرتغال_أيرلندا pic.twitter.com/7Fyw79bCoQ
— beIN SPORTS (@beINSPORTS) June 11, 2024
پرسیار لە رۆبێرتۆ مارتینێز کرا کە ئایا رۆناڵدۆ یاریزانێك ده‌بێت لە پێکهاتەی سەرەکی هەڵبژاردەی پورتوگال بۆ یۆرۆ؟ مارتینێز له وه‌ڵامدا گوتی، لە قۆناخێکدام کە بیر لە پێکهاتەی سەرەکی ناکەمەوە دەتوانم باسی کریستیانۆ بکەم کە پابەندبوونی وەک سەرکردە باوەڕپێنەکراوە، شاهیدی دوو گۆڵی ئاست بەرزی جیهانی ئه‌و بووین .
Roberto Martínez quer uma alcunha para a Seleção Nacional 👀 pic.twitter.com/sUjjCxqvX9
— B24 (@B24PT) June 11, 2024
ئاماژەی بەوەشکرد، ئەوەی من پێم خۆش بوو کارەکان بوو به سه‌ركه‌وتووی ئه‌نجامدران، کاتێک یاریزانێکی وەک کریستیانۆ دوو گۆڵی تۆمارکرد، دڵخۆشترم ده‌كات، ئه‌و یه‌كه‌م هەڵبژاردن کە دەیکات یارمەتیدانی هاوڕێکانیه‌تی.
باسی له‌وه‌شكرد، دەتوانن سەیری ئامارەکان بکەن، یاریزانێکە لە 50 یاریدا 51 گۆڵی تۆمارکردووە، بەڵام ئەمە رۆژێکی گونجاو نییە بۆ بڕیاردان، ئێمە کاردەکەین، یاریزانەکان کاری نایابیان کرد.
Roberto Martínez: «Ronaldo? Vimos duas finalizações de nível mundial»https://t.co/LFDssNy0L7
— maisfutebol (@maisfutebol) June 11, 2024
گوتیشی، یارییەکی ئامادەکاری بوو، رۆناڵدۆش لە ناوچەکانی یاریگا بوو بۆ ئەوەی شوێن بۆ یاریزانەکانی دیکە بکاتەوە، ئێمە لە هێڵی ناوەڕاستدا باڵادەستی ژمارەییمان دروستکرد، وەک گوتم ئەمڕۆ رۆژی بڕیاردان نییە.
لە کۆتاییدا گوتی، بەڵێن بە پورتوگالیەکان دەدەم کە هەموو شتێک ده‌كه‌ین، ئەوان شایەنی ئەوەن، دەمانەوێت شانازییان پێبکەین.
