تەواو؛ لویس گلێرمی بۆ یانەیەکی لەندەن
یاریگا –
لویس گلێرمی یاریزانی بەهرەداری دەرکەوتووی بەرازیلی بارگەوبنەی لە خولی وڵاتەکەی پێچایەوە و گواسترایەوە بۆ خولی ئینگلیزی.
گلێرمی کە ماوەیەکە لەژێر رادارەکانی وێستهامدایە، لە کۆتاییدا یانەکەی پایتەختی ئینگلاند توانی لەگەڵ پاڵمێراس بگاتە رێککەوتن بۆ گواستنەوەی لویس بەرەو رۆژهەڵاتی لەندەن.
کەمێک پێش ئێستا فابریزۆ رۆمانۆ ناوەڕۆکی رێککەوتن و وردەکارییەکانی ئاشکراکرد و نووسیویەتی کە ئەمرۆ پشکنینە پزیشکیەکانی بۆ لویس ئەنجامدراوە و سبەینێ چوارشممە گرێبەستەکە واژۆ دەکرێت.
🚨⚒️ Luis Guilherme to West Ham, exclusive story confirmed and here we go!
Medical completed today, contract to be signed on Wednesday.
€23m fee plus €7m add-ons and 20% sell-on clause to Palmeiras, deal sealed by director Tim Steidten.
Contract until June 2029 + option. 🇧🇷 pic.twitter.com/YqfRRWn36i
— Fabrizio Romano (@FabrizioRomano) June 11, 2024
رۆمانۆ لە زاری دین ستێدتێنی بەڕێوبەری هونەری وێستهامەوە زانیوشیەتی کە تێچووی گواستنەوەکەی گلێرمی 30 ملیۆن یۆرۆ دەبێت بە گۆڕانکارییەکانەوە و ماوەکەشی تا 2029 دەخایەنێت لەگەڵ بژاردەی درێژکردنەوە.
ئەو یاریزانە ناوەڕاستکارە تازە تەمەنی 18 ساڵە و یانە لەندەنیەکە بۆ بتەوکردنی ریزەکانی گواستوویانەتەوە بەتایبەت ئێستا کە دەنگۆ بەهێزە دۆگلاس لویس و یاریزانی دیکەیش بفرۆشن لەبەر پابەندبوون بە یاساکانی سوود و بەردەوامی لە یانەکانی ئینگلتەرا.
