یانەیەکی گەورەی ئیسپانیا گەیشتە رێککەوتنی سەرەتایی لەگەڵ گۆڵکاری لالیگا
یاریگا –
تەقینەوەی ئاستەکەی لە یەکەم وەرزی لە خولی ئیسپانیا، ئارتیم دۆڤبیک توانی چاوی یانە گەورەکان بەلای خۆیدا رابکێشێت و هەوڵی دەستخستنی تواناکانی بدەن.
هێرشبەرە ئۆکراینیەکە هاوینی رابردوو لە یانەیەکی وڵاتەکەیەوە گواسترایەوە بۆ جیرۆنا بە بڕی تەنها 7 ملیۆن یۆرۆ، کە گرانترین گواستنەوەی جیرۆنایە تا ئێستا. وەرزی رابردوو بە 24 گۆڵ رکابەرێتی لە ئەستێرەکانی خولی ئیسپانی بردەوە و توانی ببێتە گۆڵکاری خولەکە.
بەگوێرەی زانیارییەکانی پاتریک بێرگەر رۆژنامەنووس لە سکای سپۆرتس، ئاتلێتیکۆ مکوڕە لە گواستنەوەی دۆڤبیک و لە ئێستاشدا رێککەوتنێکی سەرەتایی هەیە لەنێوان دۆڤبیک و یانە ئیسپانییەکە.
ئەو رۆژنامەنووسە زانیوشیەتی کە هاوکات ناپۆلی ئیتاڵی چووەتە گفتوگۆوە بۆ هەمان مەبەست، بەڵام خودی ئارتیم بەپەرۆشە تا هەنگاوی داهاتووی هەر لە ئیسپانیا بێت.
🚨 Atlético Madrid want to sign Artem Dovbyk (26/🇺🇦) from Girona. There is an agreement in principle between La Liga goalgetter and the Spanish side. Napoli also in talks for the striker but Atlético leading the race.
Dovbyk keen to make the next step within Spain. Release… pic.twitter.com/M9KsleoKs5
— Patrick Berger (@berger_pj) June 11, 2024
ناوەڕاستی مانگی رابردوو بوو فابریزۆ رۆمانۆ بڕی هەڵوەشاندنەوەی گرێبەستی یاریزانە 26 ساڵاناکەی ئاشکراکرد کە 40 ملیۆن یۆرۆیە و یانەکەیشی نایەوێت کەمتر لەو نرخە دەستبەرداریبێت.
پاتریک بێرگەریش لە هەواڵەکەی ئەمڕۆیدا هەمان زانیاری دووپات کردووەتەوە و نرخی هەڵوەشاندنەوەی گرێبەستەکەی کە تا 2028 لەگەڵ جیرۆنا دەیهێڵێتەوە، 40 ملیۆن یۆرۆیە.
وەرزی رابردوو یانە تازە دەرکەوتووەکەی مەدرید ئەسپی رەشی لالیگا بوو کە توانیان پلەی سێیەم وەرگرن و راستەوخۆ سەربکەون بۆ چامپیۆنزلیگی وەرزی داهاتوو.
