تەواو، هاوڕێیەکەی کریستیانۆ رۆناڵدۆ دەچێتە ریزەکانی نەسڕی سعوودی
یاریگا –
یانەی نەسڕی سعوودی لەگەڵ فۆسیچ چێزنی گەیشتووەتە رێککەوتن، چەند وردەکارییەکی کەم ماون بۆ ئەوەی بەفەرمی گرێبەستی گۆڵپارێزە پۆڵەندییەکە رابگەیەنرێت.
فابریزیۆ رۆمانۆ، رۆژنامەنووسی ئیتاڵی ئاشکرایکردووە، یانەکانی نەسڕی سعوودی و یوڤێنتۆس ئیتاڵی گەیشتوونەتە رێککەوتن، فۆسیچ چێزنی بۆ ماوەی دوو ساڵ پەیوەندی بە یانە زەردپۆشەکە دەکات، پێدەچێت میشێل دی گریگۆریۆ شوێنی چێزنی بگرێتەوە.
🚨🟡🔵 Wojciech Szczesny’s move to Al Nassr, now advancing to final stages after exclusive story revealed on Sunday.
Two year contract almost agreed, final details to be clarified and then green light expected soon.
Juve, set to receive around €5m and will save his salary. pic.twitter.com/Xyi36gkoJJ
— Fabrizio Romano (@FabrizioRomano) June 11, 2024
رێبەستی چێزنی لە هاوینی ساڵی 2025 لە یوڤێنتوس بەسەردەچێت و ئەمەش زیاتری هانی یانە ئیتاڵییەکە دەدات، رێگە بەچوونە دەرەوەی چێزنی بدات و یارمەتی چارەسەرکردنی کێشەکانی دارایی دەدات. چێزنی حەوت ساڵ بەر لە ئێستا لە ئارسیناڵەوە پەیوەندی بە یوڤێنتوسەوە کرد و 252 یاری کردووە.
گۆڵپارێزە پۆڵەندییەکە سێ نازناوی سێریا ئەی، سێ نازناوی جامی ئیتاڵیا و دوو جامی سوپەری ئیتاڵیای لەگەڵ یوڤێ بەدەستهێنا و ئێستاش لەگەڵ هەڵبژاردەی پۆڵەندا بەشداری لە یۆرۆی 2024 دەکات.
