ماکس ڤێرستاپن چۆن لە خەڵاتی گەورەی کەنەدا پلەی یەکەمی بەدەستهێنا؟
لاندۆ بە شوفێری رۆژ دەستنیشانکرا
یاریگا –
ماکس ڤێرستاپن شوفێری بەناوبانگی هۆڵەندی بۆ سێیەم ساڵ لەسەریەک پلەی یەکەمی لە خەڵاتی گەورەی کەنەدا بەدەستهێنا کە بەهۆی کەشە باراناوییەکە پێنج ئۆتۆمبێڵ کشانەوە.
ماکس ڤێرستاپن شوفێری تیمی ریدبول لە خەڵاتی گەورەی کەنەدا لە مۆنتریال پلەی یەکەمی بەدەستهێنا و دوای دابڕانی جارێکی دیکە گەڕایەوە سەر رێچکەی سەرکەوتن و بۆ سێیەم ساڵ لەسەریەک لە خەڵاتی گەورەی کەنەدا پلەی یەکەمی بەدەستهێنا کە نۆیەم قۆناخی ئەمساڵی پێشبڕکێیەکانی فۆرمولا وەنە، لەکاتێکدا لە خەڵاتی گەورەی مۆناکۆ پلەی شەشەمی بەدەستهێنابوو.
Our top 10 finishers 👀
Congrats to all the points scorers 👏#F1 #CanadianGP pic.twitter.com/AVXdS2roh7
— Formula 1 (@F1) June 9, 2024
ڤێرستاپن کە لە پلەی دووەم دەستی بە پێشبڕکێیەکەی مۆنتریال کرد، بەپێش هەریەکە لە نۆریس لاندۆ شوفێری تیمی ماکلارین و روسێل شوفێری تیمی مێرسیدس کەوتەوە، کە شوفێرە هۆڵەندییەکە سێ وەرزی رابردوو پاڵەوانی جیهان بووە.
جۆرج رەسڵ شوفێری کەنەدی کە پلەی سێیەمی بەدەستهێنا، یەکەم پۆدیۆمی ئەمساڵی مێرسیدس بوو لە خەڵاتە گەورەکان کە باشترین ئەنجامی ئەمساڵیان بوو تا ئێستا. لاندۆ نۆریس شوفێری بەریتانیش بە شوفێری رۆژ دەستنیشانکرا لە پێشبڕکێیەکە.
بەهۆی کەشە باراناوییەکە دوو ئۆتۆمبێڵی فریاگوزاری لە مۆنتریال بەکارهێنران و هەردوو ئۆتۆمبێڵەکەی فێراری لە پێشبڕکێیەکە کشانەوە، لەکاتێکدا دەرفەتێکی زێڕینیان لەپێش بوو لەسەر ئاستی تیمەکان پلەی یەکەم بەدەست بهێنن.
دانیێل ریکاردۆ شوفێری ڤیزا کاش لە پێشبڕکێیەکە پلەی هەشتەمی بەدەستهێنا، لەکاتێکدا پێش خەڵاتی گەورەی کەنەدا فشارێکی زۆری لەسەربوو، چاوەڕێ نەدەکرا ئەم ئەنجامە بەدەست بهێنێت.
He’s a popular guy! 🤩@LandoNorris is your #F1DriverOfTheDay #F1 #CanadianGP @salesforce pic.twitter.com/y7gitktnle
— Formula 1 (@F1) June 9, 2024
