یاریگا –
بریاردان لەسەر رۆیشتن یاخود رێککەوتن لەسەر بژاردەکان سەبارەت بە فێدێریکۆ کێیزا گەشتووەتە قۆناخی یەکلابوونەوە و هەفتەی داهاتوویش بۆ ئەو مەبەستە کۆبوونەوەی چارەنووسساز بەڕێوەدەچێت.
یاریزانە ئیتاڵیەکە کە گرێبەستەکەی تا هاوینی 2025 لەگەڵ خانمە پیرەکە دەخایەنێت، داهاتووی ناڕوونە و، بەگوێرەی زانیارییەکانی فابریزۆ رۆمانۆی شارەزای میرکاتۆی یاریزانان، یانەکەی رەنگە دەستبەرداری ئەو ئەستێرەیەبن لە باری هاتنەپێشەوەی گرێبەستی دڵخواز.
🚨⚪️⚫️ Federico Chiesa’s agent Fali Ramadani will be in Italy early next week to discuss all options for winger’s future.
Juventus could let him leave in case of good proposal, as current contract expires in June 2025.
No final decision yet as talks are still at early stages. pic.twitter.com/N6DKxeEe1b
— Fabrizio Romano (@FabrizioRomano) June 9, 2024
رۆمانۆ ئەوەیشی ئاشکراکردووە کە هەفتەی داهاتوو فالی رەمەزانیی بریکاری کێیزا سەرەتای هەفتەی داهاتوو لە ئیتاڵیا دەبێت بۆ گفتوگۆکردن لەسەر هەموو بژاردەکان سەبارەت بە داهاتووی یاریزانەکەی باڵی یاریگا.
رۆمانۆ نووسیوشیەتی کە هێشتا بریاری کۆتایی نەدراوە و گفتوگۆکان لە قۆناخەکانی سەرتادان.
ئەم پەرەسەندنانە لە کاتێکدایە کە چاوەڕوان دەکرێ لە رۆژانی داهاتوودا تیاگۆ مۆتا وەک راهێنەری نوێی یوڤی بناسێنرێت. دەنگۆیش هەیە لەگەڵ خۆیدا چەند یاریزانێکی نوێ پەلکێشی یانەکەی شاری تورین بکات.
کێیزا کە ساڵی 2022 لە فیورێنتیناوە گواسترایەوە یوڤێنتوس، بە یەکێک لە رەگەزە دیار و کاریگەرەکانی ئەو یانەیە دادەنرێت. وەرزی رابردوو لە سێریائەی لە 33 یارییدا توانی 9 گۆڵ بکات لەگەڵ دوو ئەسیست.
