یانەکەی رۆناڵدۆ داوای گۆڵپارێزێکی یوڤێنتوس دەکات
نەسڕ ئامادەکاری بۆ مێرکاتۆییەکی ئاگرین دەکات
یاریگا –
نەسڕی سعودی گفتوگۆکانی لەگەڵ فۆسیچ چێزنی، گۆڵپارێزی یوڤێنتوس دەستپێکردووە.
فابریزیۆ رۆمانۆ، رۆژنامەنووسی دیاری مێرکاتۆی یاریزانان بڵاویکردووەتەوە، نەسڕ گفتوگۆکانی لەگەڵ گۆڵپارێزی نێودەوڵەتی پۆڵەندی دەستپێکردووە.
فابریزیۆ روونیکردووەتەوە، یوڤێ ئامادەیە دەستبەرداری گۆڵپارێزی تەمەن 34 ساڵان ببێت، پێدەچێت میشێل دی گریگۆریۆ شوێنی چێزنی بگرێتەوە.
بیانکۆنێری گفتوگۆکانی لەگەڵ دی گریگۆری، گۆڵپارێزی مۆنزا دەستپێکردووە و رەنگە بەبڕی 15.3 ملیۆن پاوەند پەیوەندی بە یانەکەی تورینەوە بکات.
🚨🟡🔵 EXCL: Al Nassr have started talks to sign Wojciech Szczesny from Juventus as new goalkeeper.
Juve are prepared to sell Szczesny as Di Gregorio will join on €18m deal and new deal talks with Perin will start soon.
🇵🇱 Decision will be up to the Polish goalkeeper. pic.twitter.com/zAe2JsEVjg
— Fabrizio Romano (@FabrizioRomano) June 9, 2024
گرێبەستی چێزنی لە هاوینی ساڵی 2025 لە یوڤێنتوس بەسەردەچێت و ئەمەش زیاتری هانی یانە ئیتاڵییەکە دەدات، رێگە بەچوونە دەرەوەی چێزنی بدات و یارمەتی چارەسەرکردنی کێشەکانی دارایی دەدات.
چێزنی حەوت ساڵ بەر لە ئێستا لە ئارسیناڵەوە پەیوەندی بە یوڤێنتوسەوە کرد و 252 یاری کردووە.
گۆڵپارێزە پۆڵەندییەکە سێ نازناوی سێریا ئەی، سێ نازناوی جامی ئیتاڵیا و دوو جامی سوپەری ئیتاڵیای لەگەڵ یوڤێ بەدەستهێنا و ئێستاش لەگەڵ هەڵبژاردەی پۆڵەندا بەشداری لە یۆرۆی 2024 دەکات.
