نەسڕ گۆڕانکاری ریشەیی لە پێکهاتەکەیدا دەکات و دەستبەرداری دەرزنێک یاریزان دەبێت

یاریگا –

بڕیارە لە چەند رۆژی داهاتوودا ئیبراهیم مهێدب، ببێتە سەرۆکی نەسڕی سعودی و لە میدیاکانی سعودیە باس لە گۆڕانکاری بنچینەیی دەکرێت.

لە وەرزی رابردوودا نەسڕ بە کۆکردنەوەی 82 خاڵ پلەی دووەمی خولی رۆشنی بەدەستهێنا و یاری کۆتایی جامی شای سعودیەشی بە هیلال دۆڕاند.

کریستیانۆ رۆناڵدۆ و هاوڕێکانی ئامادەکاری بۆ خولی یانە پاڵەوانەکانی ئاسیا دەکەن، ئەمجارە وەشانێکی جیاوازدەبێت.

عەلی عنزی، رۆژنامەنووسی دیاری سعودی لە پلاتفۆرمی ئێکس نووسیویەتی

کارگێڕی نوێی نەسڕ ئامادەکاری بۆ دەستبەرداربوون لە 15 یاریزانی ناوخۆیی و بیانی دەکات.

رەنگە بڕیارەکەی نەسڕ پەیوەندی بە یاساکانی یەکێتیی تۆپی پێی ئاسیاشەوە هەبێت، چونکە داوایکردووە بۆ وەرزی داهاتوو، یانەکانی سعودیە لیستی یاریزانانیان لە 30 یاریزانەوە بۆ 25 کەمبکەنەوە.

أدارة #النصر تتجاه للاستغناء عن ١٥ لاعب ( محلي ، اجنبي ) خلال فترة الانتقالات الصيفية الحاليه .. pic.twitter.com/No8mYcSH47

— علي العنزي (@Ali_alabdallh) June 8, 2024

رۆژنامەنووسەکە دووپاتیدەکاتەوە، لویس کاسترۆ وەک راهێنەر دەمێنێتەوە، بەڵام ئامادەکاری بۆ شوێنگرتنەوەی سادیۆ مانێ و ئێمریک لاپۆرت دەکرێت.

نەسڕ دەیەوێت سانێ بفرۆشێت یاخود هەرچی نەبێت بە خواستن بیداتە یانەیەکی دیکە. هەروەها دەیەوێت بەرگریکارێکی جیهانی بگوازێتەوە و بیکاتە شوێنگرەوەی لاپۆرت. ئاندێرسن تالیسکا لە یانەکە بەردەوام دەبێت و نەسڕ دەیەوێت کاسێمیرۆ و رافایێل ڤاران بگوازێتەوە.

میدیاکانی سعودیە باس لە چوونە دەرەوەی یاریزانانی وەک وەلید عەبدوڵڵا و دەیڤد ئۆسپینا و محەمەد قاسم دەکەن، گرێبەستی هەرسێکییان بەسەرچووە.

هەروەها نەسڕ دەیەوێت ناوی یاریزانان گیسلان کۆنان، سیکۆ فۆفانا و ئەلێکس تێلێس بخاتە بازاڕەوە.