یاریگا –
کیلیان ئێمباپێ، ئەستێرەی فەرەنسا هاندەرانی تووشی دڵەڕاوکێ کردووە، ئەمەش دوای بەشداری نەکردنی لە مەشقەکانی دوێنێ و زیادبوونی ئەگەری بەشداری نەکردنی لە یارییەکەی ئەمشەویان بەرامبەر کەنەدا (22:45 – بە کاتی هەولێر).
فەرەنسا لە کۆمەڵەی چوارەم لەگەڵ هەڵبژاردەکانی پۆڵەندا، هۆڵەندا و نەمسا یاری دەکات و یەکەم یاری لە 17ی ئەم مانگە بەرامبەر هۆڵەندا دەکات.
Suite à des problèmes de dos, Kylian Mbappé a été préservé ce samedi à l’entraînement des Bleus, à la veille du dernier match de préparation à l’Euro 2024 contre le Canada.https://t.co/sBSHCrMT9c
— RMC Sport (@RMCsport) June 8, 2024
تۆڕی RMC بڵاویکردووەتەوە، بە ئەگەرێکی زۆرەوە ئێمباپێ بەشداری یارییە دۆستانییەکەی کەنەدا ناکات.
ئێمباپێ هەستی بە ئازاری پشتکردووە و ئەمەش مەترسیی لەسەر زیادبوونی پێکانەکەی دروستکردووە و دیدیێ دیشان، راهێنەری فەرەنسا نایەوێت ریسک بە کیلیانەوە بکات.
هەرچەندە یەکێتیی تۆپی پێی فەرەنسا هیچ روونکردنەوەیەکی لەبارەی پێکانەکە بڵاونەکردووەتەوە، بەڵام ئەوەی لە میدیاکان باس دەکرێت، ئازاری پشتە کە لە یاری رابردووی فەرەنسا بەرامبەر لوکسێمبۆرگ هەستیپێکردووە.
