یاریگا –
بەشێوەیەکی فەرمی جەیمی ڤاردی گرێبەستەکەی لەگەڵ یانەی لێستەر سیتی نوێکردەوە.
ماڵپەڕی فەرمی لێستەر ستی بڵاویکردووەتەوە، بەفەرمی جەیمی ڤاردی هێرشبەری یانەکە گرێبەستەکەی بۆ وەرزێکی دیکە نوێکردووەتەوە و تا هاوینی 2025 لە لێستەر دەمێنێتەوە.
یانە ئینگلیزییەکە بووە پاڵەوانی وەرزی 2023/24ـی چامپیۆنشیپ، تەنیا دوای یەک وەرز دابەزین، جارێکی دیکە گەڕایەوە ریزی یانەکانی پرێمەرلیگ.
Who’s ready for an afterparty? 🎉
Jamie Vardy signs for another year! pic.twitter.com/HgQd4y5KlD
— Leicester City (@LCFC) June 7, 2024
بۆ ئاستی وەرزی رابردووم دڵخۆشم، بەڵام هێشتا زیاتر ماوە، هەمیشە گوتوومە تەمەن تەنها ژمارەیە، قاچەکانم باشن، هەرکاتێک قاچەکانم گوتیان بووەستە ئەوا دەوەستم، بەڵام جارێ کاتی وەستان نییە.
هێرشبەرە تەمەن 37 ساڵانییەکەش رۆڵێکی گەورەی لە گەڕانەوەی یانەکەی گێڕا، لە 37 یاری بەشداریکرد، 20 گۆڵی کرد و 2 گۆڵیشی درووستکرد.
ڤاردی لە هاوینی 2012 بە بڕی 1.24 ملیۆن یۆرۆ لە فلێتوودەوە پەیوەندی بە رێوییەکانی ئینگڵتەڕا کرد، بە درێسی یانەکە لە سەرجەم پاڵەوانێتییەکان بەشداری 464 یاری کردووە، 190 گۆڵی کردووە و 66 گۆڵیشی درووستکردووە.
نازناوێکی پرێمەرلیگ، نازناوێکی جامی یەکێتی ئینگڵتەڕا، نازناوێکی جەمی قەڵخانی ئینگڵتەڕا و دوو نازناوی چامپیۆنشیپی لەگەڵ یانەکەی بەدەستهێناوە، لە وەرزی 2019/20 بە 23 گۆڵ بووە گۆڵکاری پرێمەرلیگ.
We’re thrilled to announce our iconic No.9 has agreed a new deal to 2025 📝
— Leicester City (@LCFC) June 7, 2024
