یاریگا –
بۆ گواستنەوەی لێنی یۆرۆی فەڕەنسی، مانچێستەر یونایتد کێبڕکێیەکی سەختی ریال مەدرید دەکات.
رۆژنامەی مارکا بڵاویکردووەتەوە، مانچێستەر یونایتدی ئینگلیزی ئۆفەرێکی بە بڕی 60 ملیۆن یۆرۆ بۆ گواستنەوەی لێنی یۆرۆی بەرگریکاری یانەی لیلی فەڕەنسی ئامادە کردووە.
یۆرۆ ئامانجێکی سەرەکی ریال مەدریدە، ماوەیەکی زۆرە بە وردی چاودێری یاریزانەکە دەکات و گفتوگۆی لەگەڵ کردووە، بەڵام شەیتانە سوورەکان دەیانەوێت ریسەکە لە مێرێنگی بکەنە خوری.
💰 El United también quiere a Yoro… y ojo porque ha puesto sobre la mesa una oferta por encima de mercado por el joven central que también pretende el Madrid
✍️ Una información de @jfelixdiaz
https://t.co/W7DWBD7N9E— MARCA (@marca) June 5, 2024
بەگوێرەی زانیارییەکانی رۆژنامە ئیسپانییەکە، ریال داوای لە یاریزانەکە کردووە ئارامگربێت، بە ئۆفەری گەورەی یانەکانی دیکە هەڵنەخەڵەتێت، ئەگەر دەیەوێت درێسی سپی بپۆشێت دەبێت چاوەڕوانی جوڵەی ئەوان بکات.
یانە فەرەنسییەکە ئامادە نییە بە کەمتر لە 100 ملیۆن یۆرۆ دەستبەرداری بەرگریکارە تەمەن 18 ساڵانییەکەی ببێت، بەڵام پاڵەوانی چامپیۆنزلیگ هیواخوازە بتوانێت بە بڕی 50 بۆ 60 ملیۆن یۆرۆ گرێبەستەکە لە بەرژەوەندی خۆی یەکلایی بکاتەوە.
لێنی یەکێکە لە بەرگریکارە ئاستبەرزەکانی ئێستا، هەریەکە لە یانەکانی لیڤەرپوول، چێڵسی، پاریس سانجێرمانیش چاویان بڕیوەتە تواناکانی.
یاریزانەکە لە وەرزی 2023/24 بەدرێسی یانەکەی بەشداری 43 یاری کردووە، بەشێوەیەکی گشتی 3,690′ خولەک یاری کردووە و 3 گۆڵیشی بۆ تیپەکەی کردووە.
