یاریگا –
راپۆرتە رۆژنامەوانیەكان ئاشكرایانكرد، هانسی فلیك راهێنەری ئەڵمانی یانەی بارسێلۆنای ئیسپانی دەیەوێت گرێبەست لەگەڵ بێرناردۆ سێلڤای پۆرتوگالی و ئەستێرەی مانچێستەر سیتی واژۆ بكەن.
هانسی فلیك لە چەند رۆژی رابردوودا وەك راهێنەری نوێی یانە كەتەلۆنییەكە لە جێگای چاڤی هێرناندێز دەستنیشانكرا.
It’s our moment.
Flick is here. pic.twitter.com/ysb35a6l35— FC Barcelona (@FCBarcelona) May 29, 2024
پێش دەستپێكردەوەی یارییەكانی وەرزی 2024/25 و لە ماوەی گواستنەوەكانی هاوینەدا فلیك دەیەوێت چەند یاریزانیك بۆ پێكهاتەكەی بگوازێتەوە.
🚨🆕 News Bernardo #Silva | Difficult to realize but the 29 y/o is a transfer target for @FCBarcelona this summer!
There’s a chance to get him but a lot of things have to happen. Hansi Flick has high regard for Silva.
Contract with ManCity valid until 2026.
📍Talks and… pic.twitter.com/2Uekg763Vm
— Florian Plettenberg (@Plettigoal) June 4, 2024
بەپێی زانیارییەكانی سكای سپۆرت، سەرەرای نرخە بەرزەكەی هێشتا بێرناردۆ سێلڤا ئامانجی یانە كەتەلۆنییەكەیە و دەیانەوێت لە گواستنەوەكانی هاوینەدا بیگوازنەوە ریزەكانیان.
لە راپۆرتەكەی هەمان سەرچاوەشدا هاتووە، هانسی فلیك راهێنەری نوێی بارسێلۆنا بێرناردۆی وەك ئامانجێك داناوە بۆ ئەوەی لە گواستنەوەكانی هاوینەدا گرێبەستی لەگەڵ واژۆ بكەن.
گرێبەستەكەی بێرناردۆ سێلڤا لەگەڵ مانچێستەر سیتی لە هاوینی ساڵی 2026 بەسەردەچێت.
وەرزی رابردوو لە سەرجەم پاڵەوانیەتیەكاندا بێرناردۆ بەشداری لە 49 یاریدا كرد و توانی 11 گۆڵ بكات و 10 گۆڵیش درووست بكات.
