یاریگا –
دواجار خەونەکەی هاندەرانی ریال مەدرید هاتەدی و یانە ئیسپانییەکە بەفەرمی گرێبەستی کیلیان ئێمباپێی راگەیاند.
کیلیان بە گرێبەستێکی ئازاد پەیوەندی بە ریال مەدرید کرد، گرێبەستی یاریزانە تەمەن 25 ساڵانییەکە لەگەل یانەکە بۆ 5 وەرز دەبێت و تا هاوینی 2029 درێسی یانە شاهانەییەکە دەپۆشێت.
Comunicado oficial: Mbappé.#RealMadrid
— Real Madrid C.F. (@realmadrid) June 3, 2024
ماریۆ كۆرتیگانا لە تۆڕی هەواڵی ئاتلێتیك وردەكاری گرێبەستەكەی ئێمباپێی لەگەڵ یانە شاهانەكە ئاشكرا كرد.
- لە مانگی كانوونی دووەمی ئەمساڵ ریال مەدرید بە فەرمی دانوستانەكانی لەگەڵ ئێمباپێ دەستپێكرد.
- گرێبەستەكە لە مانگی شوبات واژۆكرا و داخراوە.
- هەردوولا رێككەوتوون لەسەر ئەوەی لە كۆتایی وەرز گرێبەستەكە رابگەیەندرێت.
- مەرجەكان و ئەو بڕە پارەیەی ریال مەدرید كەمتر بووە لەوە بڕەی لە گواستنەوەكانی 2022 بە یاریزانەكەی داوە، بەڵام ئێمباپێ رەزامەندی نیشانداوە.
- گرێبەستەكەی بۆ ماوەی پێنج ساڵ و تا ساڵی 2029 دەبێت.
- بەهای 100 ملیۆن یۆرۆ وەك پاداشت وەردەگرێت.
- موچەی ساڵانەی لە سەرجەم یاریزانەكانی دیكەی ریال مەدڕید زیاتر دەبێت.
▪️ Early doubts over dressing room harmony
▪️ Florentino Perez’s big role in talks
▪️ Coaching staff told in February
▪️ Why neither side wanted anyone to knowKylian Mbappe’s transfer to Real Madrid is finally confirmed.@MarioCortegana explains exactly how it happened.
— The Athletic | Football (@TheAthleticFC) June 3, 2024
چاوەڕوان دەكرێت یەكەم یاری فەرمی كیلیان ئێمباپێ لەگەڵ ریال مەدرید لە سوپەری ئەوروپا بەرامبەر ئاتلانتا بێت.
ئێمباپێ لە هاوینی 2018 بەبڕی 180 ملیۆن یۆرۆ لە مۆناکۆی فەڕەنسییەوە پەیوەندی بە پاریس کرد، بە درێسی یانەکەی ئێستای لە سەرجەم پاڵەوانێتییەکاندا 308 یاری کرد، 256 گۆڵی کرد و 108 گۆڵیشی درووستکرد.
