یاریگا –
راپۆرتە رۆژنامەوانیەكانی ئیسپانیا پلانی یانەی بارسێلۆنایان بۆ گواستنەوەی نیكۆلاس ویلیامسی ئیسپانی و ئەستێرەی یانەی ئاتلێتیك بلباو ئاشكرا كرد.
گرێبەستەكەی ویلیامس لەگەڵ بلباو لە هاوینی ساڵی 2027 بەسەردەچێت.
یانە كەتەلۆنییەكە سەرسامی یاریزانەكەیە و لە ماوەی رابردوودا چەندین جار هەوڵی بەدەستهێنانی تواناكانی داوە.
🚨 𝐍𝐎𝐓𝐈𝐂𝐈𝐀 𝐒𝐏𝐎𝐑𝐓 | El Barça le ha hecho saber al entorno de Nico Williams que es el elegido para la banda izquierda
💰 Su cláusula es de 50-60M€, la intención es ofrecer un poco más para poder hacer un pago fraccionado
🤔¿Te gustaría verlo de azulgrana? pic.twitter.com/S0KaSAzG7S
— Diario SPORT (@sport) June 3, 2024
بەپێی زانیاریەكانی رۆژنامەی سپۆرت، بارسێلۆنا لەسەر گواستنەوەی نیكۆلاس ویلیامس یەكلاییبووەتەوە، دەیەوێت بۆ بەهێزكردنی هێڵی هێرشبردن بیگوازێتەوە.
ئاماژە بەوەشكراوە، بارسا بە كەسە نزیكەكانی ویلیامسی گوتوە كە ئەو هەڵبژاردەی یەكەمی یانە كەتەلۆنییەكەیە بۆ باڵی هێرشبردن و دەیانەوێت بۆ وەرزی داهاتوو بیگوازنەوە.
بەگوێرەی هەمان سەرچاوە، بڕی هەڵوەشاندنەوەی گرێبەستەكەی ویلیامس لەگەڵ ئاتلێتیك بلباو 50 ملیۆن یۆرۆیە، پلانی بارسێلۆنا ئەوەیە بڕە پارەیەكی زیاتر لەوە بەڵام بەشێوەی قیست بە بلباو بدات.
لە كۆتایی راپۆرتەكەشدا ئاماژە بەوەكراوە، ئەگەر بلباو بەو ئۆفەرە راز نەبێت ئەوا بارسێلۆنا ئامادەیە تەواوی بڕی هەڵوەشاندنەوەی گرێبەستی هێرشبەرە 21 ساڵانەكە بدات.
لە وەرزی رابردوو نیكۆ ویلیامس بەشداری لە 37 یارییدا كرد و توانی هەشت گۆڵ بكات و 17 گۆڵیش درووست بكات.
