بۆچوونی جیاواز لەبارەی رێککەوتی ناساندنی ئێمباپێ هەیە
رەنگە بەر لە دەستپێکردنی یۆرۆ بە میدیاکان بناسێندرێت
یاریگا –
ریال مەدرید بەر لە دەستپێکردنی پاڵەوانیەتی یۆرۆی 2024 کیلیان ئێمباپێ بە میدیاکان دەناسێنێت.
هێرشبەری فەرەنسا لە کۆتایی مانگی داهاتوو، هیچ پەیوەندییەکی لەگەڵ پاریس سانجێرمان نامێنێت، بەڵام مەدرید دەیەوێت بەر لە وادەکە، کیلیان بە میدیاکان بناسێنێت.
فابریزیۆ رۆمانۆ، رۆژنامەنووسی دیاری گواستنەوەی یاریزانان لە پۆستێکی پلاتفۆرمی ئێکسدا روونیکردووەتەوە، لە دوای یاریی کۆتایی چامپیۆنزلیگ، ئێمباپێ بە میدیاکان دەناسێندرێت.
مەدرید چەندین ساڵە بە دوای گواستنەوەی کیلیان وێڵە، لە سەرەتای ئەم مانگە، ئێمباپێ پەیامی ماڵئاوایی لە پاریس سانجێرمان بڵاوکردەوە و هیچ هیوایەکی بۆ نوێکردنەوەی گرێبەستەکەی نەهێشتەوە.
🚨⚪️ Real Madrid final plan to formally complete and announce Kylian Mbappé deal before the Euros won’t be and can’t be limited by PSG.
Despite PSG contract expiring in June, Mbappé can be announced before Euro 2024.
Real are currently fully focused on Wembley.
— Fabrizio Romano (@FabrizioRomano) May 29, 2024
دیدیێ دیشان، راهێنەری هەڵبژاردەی فەرەنسا لەبارەی بڵابوونەوەی دەنگۆی دەستنیشانکردنی رێککەوتی ناساندنی ئێمباپێ لە سانتیاگۆ بێرنابیۆ گوتی
ئەم بابەتە پەیوەندی بە منەوە نییە، خۆیان بڕیاری کۆتایی لەسەر دەدەن. ئەگەر بکرێت، دۆخەکە لەگەڵ هەڵبژاردەکەم دەگونجێنم.
یاریزانی پێشووی مۆناکۆ مەشقەکانی لەگەڵ هەڵبژاردەی فەرەنسا دەستپێکردووە و شەممە لە پاریس بە تەلەڤزیۆن سەیری یاری کۆتایی چامپیۆنزلیگ لە نێوان ریال مەدرید و بۆڕووسیا دۆرتموند دەکات.
