یاریگا –
بێڵینگهام بە باشترین یاریزانی ئەم وەرزەی لالیگا دەستنیشانکرا کە لەگەڵ ریال مەدرید لە یەکەم وەرزی یاریکردنی لە خولەکەدا نازناوەکەی بەدەستهێنا.
جود بێڵینگهام (20 ساڵ) کە وەرزی رابردوو لە تەمەنی 19 ساڵی خەڵاتی باشترین یاریزانی وەرزی رابردووی بۆندسلیگای بەدەستهێنا، ئەم وەرزە خەڵاتی باشترین یاریزانی لالیگای بردەوە، کە لەگەڵ ریال مەدرید لە یەکەم وەرزی یاریکردنی لە خولەکەدا بووە پاڵەوان.
بێڵی لەم وەرزەی لالیگا لەگەڵ ریال مەدرید 19 گۆڵ و 6 ئەسیستی کرد و لە ریزبەندیی گۆڵکارانی خولەکە پلەی سێیەمی بەدەستهێنا، بەبێ ئەوەی هیچ پێناڵتییەک جێبەجێ بکات.
ناوەڕاستکارەکەی هەڵبژاردەی ئینگلتەرا کە رۆژی شەممە لە یاریی کۆتایی چامپیۆنزلیگ رووبەڕووی بۆڕووسیا دۆرتموند یانەی پێشووی دەبێتەوە، لەبارەی بەدەستهێنانی خەڵاتەکەی گوتی :’ئەم خەڵاتە دەکەمە دیاری بۆ تەواوی یاریزانەکانی یانەکەم و دەستەی راهێنەران و هاندەرانی یانەکەمان و هەموو ئەو کەسانەی متمانەیان پێبەخشیم، سوپاسی هەموو ئەو کەسانە دەکەم کە دەنگیان پێدام، ببوورن نەمتوانی لە ئاهەنگەکە ئامادەبم، چونکە ئێستا ئێمە خۆمان بۆ یاریی کۆتایی چامپیۆنزلیگ ئامادە دەکەین’.
‘Se lo dedico a todos mis compañeros, al entrenador y al staff por toda la fe que han tenido en mí’.
🏆 @BellinghamJude 🏆@easportsfces | @Globe_Soccer#LALIGAPOTM | #PREMIOSLALIGA#LALIGAAWARDS | #GlobeSoccer pic.twitter.com/0b3J3Mt5a5
— LALIGA (@LaLiga) May 28, 2024
