لیستی یاریزانە بانگهێشتکراوەکانی مەغریب بۆ پاڵاوتنی مۆندیالی 2026
یاریگا –
وەلید رەکراکی راهێنەری هەڵبژاردەی مەغریب لیستی یاریزانەکانی بۆ دوو یاریی داهاتووی لە پاڵاوتنەکانی ئەفریقا بۆ گەیشتن بە مۆندیالی 2026 راگەیاند، ئەشرەف حەکیمی و ئیبراهیم دیاز لە لیستەکەدان.
هەڵبژاردەی مەغریب کە سەرەتای مانگی داهاتوو دەست بە یارییەکانی بۆ گەیشتن بە مۆندیالی 2026 دەکات، رۆژی 7ـی مانگی داهاتوو مەغریب لە یەکەم یاریی خۆی میوانداریی زامبیا دەکات، ئینجا چوار رۆژ دواتر دەبێتە میوانی کۆنگۆ.
لائحة المنتخب الوطني المستدعاة لمباراتي زامبيا 🇿🇲 و جمهورية الكونغو 🇨🇬
🚨 Our National Team’s squad list for the next matches against Zambia & Republic of Congo pic.twitter.com/Ndrj8oQOdf— Équipe du Maroc (@EnMaroc) May 28, 2024
هەریەکە لە ئیبراهیم دیاز (ریال مەدرید)، یوسف ئەنەسیری (سێڤییا)، ئەشرەف حەکیمی (پاریس سانجێرمان)، یاسین بۆونۆ (هیلال) لە دیارترین ئەو یاریزانانەن لەلایەن وەلید رەکراکییەوە بانگهێشتی هەڵبژاردەی مەغریب کراون بۆ دوو یاریی داهاتووی هەڵبژاردەکە لە پاڵاوتنەکانی ئەفریقا بۆ گەیشتن بە مۆندیال، کە لە مۆندیالی رابردوو مەغریب پلەی سێیەمی لە قەتەڕ بەدەستهێنا.
