🎥 | بارسێلۆنا ماڵئاوایی لە چاڤی هێرناندێز دەكات
یاریگا –
یانەی بارسێلۆنای ئیسپانی ماڵئاوایی لە چاڤی هێرناندێز راهێنەری یانەكەی دەكات.
شەوی رابردوو بارسێلۆنا كۆتا یاری خۆی لەم وەرزەدا بەرامبەر سێڤییا كرد و یارییەكەشی بە ئەنجامی دوو گۆڵ بەرامبەر گۆڵێك لێ بردەوە.
ئەو یارییە كۆتا یاری چاڤی هێرناندێز بوو وەك راهێنەری بارسێلۆنا و ماڵئاوایی لە یانە كەتەلۆنییەكە دەكات.
💙❤️ pic.twitter.com/iIqFh4gbHb
— FC Barcelona (@FCBarcelona_es) May 26, 2024
هەژماری فەرمی بارسا لە پلاتفۆرمی ئێكس پارچە ڤیدیۆیەكی بڵاوكردووەتەوە و تێیدا گرنگترین دیمەنەكانی چاڤی لەگەڵ یانەكە لە خۆ دەگرێت.
تا ئێستا یانەكە بەفەرمی ناوی راهێنەری نوێی ئاشكرا نەكردووە، بەڵام زۆربەی سەرچاوەكان ئاماژە بەوە دەكەن، هانسی فلیك وەك راهێنەری نوێ دەستبەكاردەبێت.
چاڤی لە مانگی نۆڤەمبەری ساڵی 2021 پۆستی راهێنەرایەتیكردنی بارسێلۆنای وەرگرت، لەگەڵ ئەو یانەیە 142 یاری راهێنەرایەتی كردووە و لە 90 یاری براوە بوون، 29 یاری دۆڕاون و لە 23 یاریشدا یەكسان بوون.
لەگەڵ بارسێلۆنا نازناوەكانی لالیگا و سوپەری ئیسپانیای بەدەستهێنا.
