یاریگا –
ئێریك گارسیا، بەرگریكاری ئیسپانی یانەی بارسێلۆنا باس لە گەڕانەوەی بۆ یانەكەی دەكات.
گارسیا لە گواستنەوەكانی هاوینی رابردوو بە شێوەی خواستن و بۆ ماوەی وەرزێك پەیوەندی بە جیڕۆناوە كرد.
جیڕۆنا كۆتا یاریی خۆی لەم وەرزەی لالیگا بە ئەنجامی حەوت گۆڵی بێ وەڵام لە گرانادا بردەوە و لە ریزبەندی سێیەم كۆتاییان بە وەرزەكە هێنا.
Eric, t’estimo. ❤️ pic.twitter.com/8ANZfhzeum
— Girona FC (@GironaFC) May 24, 2024
بەپێی زانیارییەكانی موندۆ دیپۆرتیڤۆ، ئێریك گارسیا بۆ وەرزی نوێ دەگەڕێتەوە ریزەكانی بارسێلۆنا.
لە كۆتا یارییدا لەگەڵ جیڕۆنا هاندەرانی یانەكە داوای مانەوەی بەرگریكارەكەیان دەكرد، گارسیا لەو بارەیەوە گوتی:
هەمیشە گوتومە، گرێبەستم لەگەڵ بارسێلۆنا هەیە، دەگەڕێمەوە بۆ ئەوێ و بزانین دواتر چی روودەدات.
جیڕۆنا بە كۆكردنەوەی 81 خاڵ لە ریزبەندی سێیەمی ئەم وەرزەی لالیگا هات و گەیشتنی بە خولی یانە پاڵەوانەكانی ئەوروپای وەرزی داهاتوو مسۆگەر كرد.
گارسیا لەم وەرزەی لالیگا 32 یاری لەگەڵ جیڕۆنا كرد و توانی پێنج گۆڵ بكات.
