یاریگا –
دوای دوورخستنەوەی چاڤی هێرناندێز لە پۆستی راهێنەرایەتی بارسێلۆنا، زۆر باس لە گواستنەوەی بۆ یانەیەکی لەندەنی دەکرێت.
هەفتەیەکە چێڵسی بە دوای دەستنیشانکردنی راهێنەرێک وێڵە، ئەمەش دوای هەڵوەشاندنەوەی گرێبەستی ماوریسیۆ پۆچێتینۆی ئەرجەنتینی.
تۆڕی سکای سپۆرتس بڵاویکردووەتەوە، ناوی هەریەکە لە رۆبێرتۆ دی زێربی، راهێنەری پێشووی برایتن، ئێنزۆ مارێسکا، راهێنەری لێستەر سیتی، کیران مەککێنا، راهێنەری ئیپسویچ تاون و تۆماس فڕانک، راهێنەری برێنتفۆرد لەسەر مێزی گفتوگۆکانی دەستەی کارگێڕی چێڵسیدان.
Final shortlist for Chelsea head coach job: De Zerbi, Frank, Maresca, McKenna. No Xavi. List reflects desire to appoint a dynamic, forward thinking and progressive coach who fits in with the club’s ideology and has experience of coaching in English football at high level
— Kaveh Solhekol (@SkyKaveh) May 26, 2024
سکای سپۆرتس لە زاری سەرچاوەیەک دووپاتیدەکاتەوە؛ تاوەکو ئێستا ناوی چاڤی هێرناندێز، لە کۆبوونەوەکانی چێڵسی باس نەکراوە و پێناچێت هیچ ئۆفەرێکی پێشکەش بکەن.
چێڵسی دەیەوێت راهێنەرێکی گەنج دەستنیشان بکات، کە تێگەیشتنی تەواوی لە تۆپی پێی ئینگلتەرا هەبێت، هەروەها ئەزموونێکی ئەوتۆی پەیداکردبێت، تاوەکو ناسنامەی یانەکە بدۆزێتەوە.
پێشتر پێدرۆ ئالمێیدا، رۆژنامەنووسی تایبەتمەند بە گواستنەوەی یاریزانان بڵاویکردبووەوە، چێڵسی بیر لە چاڤی دەکاتەوە و یەکێکە لە بژاردەکان.
🚨🔵 Breaking: Chelsea will meet with Xavi Hernandez to evaluate the possibility of him becoming new head coach of English club. #Chelsea pic.twitter.com/6COajF65hf
— Pedro Almeida (@pedrogva6) May 26, 2024
