یاریگا –
ئەمڕۆ هەمووان چاویان لە یاریگای وێمبڵی لە یاری كۆتایی قۆناخی پلەی ئۆف بۆ گەیشتن بە پرێمەرلیگی وەرزی داهاتوو دەبێت.
چاوەڕوان دەكرێت ئەمڕۆ یەكشەممە كاتژمێر 17:00 بە كاتی كوردستان هەردوو یانەی لیدز یونایتد و ساوسامبتن لە یاری كۆتایی قۆناخی پلەی ئۆفی چامپیۆنشیپ رووبەرووی یەك ببنەوە.
🎶 Get ready for Sunday’s #EFLPlayOffs Final with @ShootMusic‘s EFL Sounds @SportPlaylists! 👇#EFL | #StepUp
— Sky Bet Championship (@SkyBetChamp) May 24, 2024
قۆناخی پلەی ئۆف چییە؟
لە تۆپی پێی ئینگلیزیدا، قۆناخی پلەی ئۆف هاوشێوەی قۆناخێکی یەکلاییکەرەوەیە و لە کۆتایی وەرزی ئاسایی بەڕێوەدەچێت، لەم قۆناخەدا چوار یانە بەشداری دەکەن و یانەیەک سەردەکەوێت بۆ پرێمەرلیگ.
دوو یانەی پێشەوەی ریزبەندی چامپیۆنشیپ، سەردەکەون بۆ پرێمەرلیگ، یانەی خاوەن پلەکانی سێیەم، چوارەم، پێنجەم و شەشەم دەرفەتی یەکسانیان بۆ گەیشتن بە پرێمەرلیگ بۆ دەڕەخسێت.
خاوەن پلەی سێیەم بەرامبەر خاوەن پلەی شەشەم یاری دەکات و خاوەن پلەی چوارەم رووبەڕووی خاوەن پلەی پێنجەم دەبێتەوە.
ئەنجامەكانی قۆناخی پلەی ئۆف:
لیدز یونایتد بە ئەنجامی هەردوو یاری هاتن و بە چوار گۆڵی بێ وەڵام لە نۆرویچ سیتی بردەوە و ساوسامپتنیش بە سێ گۆڵ بەرامبەر گۆڵێك لە وێست بڕۆمیچی بردەوە.
یاری كۆتایی قۆناخی پلەی ئۆف:
یارییەكە بە پڕ داهاتترین یاری تۆپی پێ دادەنرێت و هەموو ساڵێك لە یاریگای وێمبڵی دەكرێت، براوە دەگاتە پرێمەرلیگی وەرزی داهاتوو.
یاری كۆتایی ئەمساڵ لە نێوان هەردوو یانەی لیدز یونایتد و ساوسامپتن دەبێت.
براوەکان چەند وەردەگرن؟
براوەی قۆناخی پلەی ئۆف، بڕی 100 ملیۆن پاوەند وەک داهاتی گواستنەوەی تەلەڤزیۆنی و گەیشتن بە پرێمەرلیگ وەردەگرێت. بەڵام جیا لەمەش، داهاتی فرۆشتنی بلیت و رێکلامەکانیش وەردەگرێت.
کێ پاڵەوانی وەرزی رابردوو پلەی ئۆف بوو؟
لوتن تاون پاڵەوانی وەرزی رابردووی قۆناخی پلەی ئۆفی چامپیۆنشیپ بوو، کاتێک لە قۆناخی پێشکۆتایی هەردوو یاری بە ئەنجامی 3-2 لە سەندرلاندی بردەوە و یاری کۆتاییشی لە کۆڤێنتری سیتی بە لێدانی یەکلاییکەرەوە بردەوە، دوای یەکسانبوونیان بە ئەنجامی 1-1.
كام یانەی پرێمەرلیگ بۆ چامپیۆنشیپی وەرزی داهاتوو دابەزی؟
هەریەك لە یانەكانی شێفیڵد یونایتد، بێرنلی و لوتن تاون دابەزین بۆچامپیۆنشیپ.
