یاریگا –
تێرشتیگن لەبارەی دوورخرانەوەی چاڤی هاتە دەنگ و دەڵێت ئەوانەی هەواڵی درۆیان بڵاوکردووەتەوە بەناوی من، هەرگیزلێتان خۆش نابم و دەبێت باجەکەی بدەن’.
دوای ئەوەی لە میدیاکانی کەتەلۆنیا بڵاوکرایەوە، مارک ئاندرێ تێرشتیگن گۆڵپارێزی بارسێلۆنا چووەتە لای خوان لاپۆرتا سەرۆکی یانەکەیان و پێی گوتووە، چاڤی ناتوانێت تیپەکە بەڕێوە ببات و کۆنتڕۆڵی ژووری جلگۆڕینی پێ ناکرێت، گۆڵپارێزە ئەڵمانییەکە هاتە دەنگ و بە توندی ئەو هەواڵەی رەتکردەوە.
La historia publicada por ‘Barça Reservat’ ataca directamente mis valores personales y no voy a tolerar que alguien utilice mi nombre, para crear malas vibraciones basadas en una información falsa.
Si alguna vez quiero decir o informar de algo, siempre voy a ser muy directo con…— Marc ter Stegen (@mterstegen1) May 24, 2024
شتیگن لە هەژماری خۆی لە پلاتفۆڕمی X نووسیویەتی :’ئەو هەواڵەی بڵاوبووەتەوە راستەوخۆ دژی بیروباوەڕە کەسییەکانی منە، هەرگیز لەو کەسانە خۆش نابم کە ناوی منیان بەکارهێناوە بە پشتبەستن بە درۆکانیان بۆ ئەوەی هەستی خراپ دروست بکەن’.
هەروەها نووسیویەتیشی :’ئەگەر من هەر شتێکم هەبێت بۆ گوتن، ئەوا یەکسەر دەچم راستەوخۆ بە خۆی دەڵێم’.
گۆڵپارێزە ئەڵمانییەکە لە تویتێکی دیکەیدا ماڵئاوایی لە راهێنەرە کەتەلۆنییەکە کردووە و ستایشی کارەکانی کردووە و سوپاسی هەوڵ و تێکۆشانی ئەم ماوەیەی کردووە، کە وابڕیارە سبەی یەکشەممە چاڤی لە یاریی بەرامبەر سێڤییا دوایین یاریی خۆی وەکو راهێنەری بارسا بکات و ماڵئاوایی لە یانەکە بکات.
