یاریگا –
ئالێکس ساندرۆی بەڕازیلی ریزەکانی یانەی یوڤێنتوسی ئیتاڵی جێدەهێڵیت.
رۆژنامەنووسی ئیتاڵی، فابریزیۆ رۆمانۆ بڵاویکردووەتەوە، ئەمڕۆ ئالێکس ساندرۆی بەڕازیلی بەرامبەر مۆنزا کۆتا یاری خۆی بە درێسی یوڤێنتوس دەکات و لەم هاوینە بە شێوەی ئازاد یانەکە جێدەهێڵێت.
هەر بەپێی زانیارییەکانی رۆمانۆ، بەرگریکارە بەرازیلییەکە لەگەڵ یانەیەکی بەرازیلی گفتوگۆی کردووە، چەند ئۆفەرێکی دیکەش لەسەر مێزەکەیدایە و هەڵسەنگاندنیان بۆ دەکات.
⚪️⚫️🇧🇷 Alex Sandro leaves Juventus as free agent, time to say goodbye today on final home game.
Sandro has already been approached by club from Brazil, open to several chances on free move. pic.twitter.com/QsICudDCZ0
— Fabrizio Romano (@FabrizioRomano) May 25, 2024
یاریزانە تەمەن 33 ساڵانییەکە لە هاوینی 2015 بەبڕی 28 ملیۆن یۆرۆ لە پۆرتۆی پۆرتوگالییەوە پەیوەندی بە یوڤێ کرد. لە سەرجەم پاڵەوانێتییەکاندا بەشداری 326 یاریی کردووە، 15 گۆڵی کردووە و 32 گۆڵیشی درووستکردووە.
پێنج نازناوی سێریا ئەی، پێنج نازناوی جامی ئیتاڵیا و دوو نازناوی جامی سوپەری ئیتاڵیای لەگەڵ خانمە پیرەکە بەدەستهێناوە.
