یاریگا –
راپۆرتە رۆژنامەوانیەكان ئاشكرایانكرد هەردوو یانەی مانچێستەر یونایتد و چێڵسی كێبڕكێ لەسەر بەدەستهێنانی تواناكانی مایكل ئۆلیس دەكەن.
گرێبەستەكەی ئۆلیسی تەمەن 22 ساڵان لەگەڵ كریستاڵ پاڵاس هاوینی ساڵی 2027 بەسەردەچێت.
هەردوو یانە دەیانەوێت بۆ وەرزی نوێ ریزەكانی یانەكانیان رێك بخەنەوە تا بتوانن پلەكانی پێشەوەی وەرزی داهاتووی پرێمەرلیگ بگرن.
⭐️ Chelsea and Manchester United are the two clubs pushing for Michael Olise, one to watch in the summer. https://t.co/TGg9SXoK04
— Fabrizio Romano (@FabrizioRomano) May 24, 2024
فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی یاریزانان لە هەژماری تایبەتی خۆی ئاشكرایكرد; مانچێستەر یونایتد و چێڵسی دەیانەوێت لە گواستنەوەكانی هاوینەدا ئەستێرە لاوەكەی كریستاڵ پاڵاس بگوازنەوە ریزەكانیان.
لەم وەرزەی پرێمەرلیگ ئۆلیس ئاستێكی بەرزی پێشكەشكرد و بە جۆرێك لە 19 یاری كە بەشداریكرد توانی 10 گۆڵ بكات و شەش گۆڵیش درووست بكات.
