یاریگا –
بەشێوەیەكی فەرمی یانەی ریال مەدریدی ئیسپانی تواناكانی ئۆرێلیەن چوامینی ئەستێرەی فەڕەنسی یانەكەی بۆ یاری كۆتایی چامپیۆنزلیگ لەدەستدا.
وا بڕیارە رۆژی یەكی حوزەیران ریال مەدرید و بۆرووسیا دۆرتمۆند لە یاری كۆتایی چامپیۆنزلیگ رووبەڕووی یەك ببنەوە.
بۆرووسیا دۆرتمۆند بە بردنەوەیان لە پاریس سانجێرمان و ریال مەدریدیش بە بردنەوەیان لە بایرن میونشن خۆیان گەیاندە یاری كۆتایی پاڵەوانیەتیەكە.
🚨 BREAKING: Aurelien Tchouameni is OUT of the Champions League Final, says Carlo Ancelotti. ❌ pic.twitter.com/ihpiexzIg2
— Madrid Zone (@theMadridZone) May 24, 2024
لە كۆنگرەی رۆژنامەوانی پێش یارییەكەیان بەرامبەر ریال بێتیس، كارلۆ ئانچێلۆتی گوتی:
ئۆرێلیەن چوامینی بە تەواوی لە پێكانەكەی چاك نەبووەتەوە و ناتوانێت بەشداری یاریی كۆتایی چامپیۆنزلیگ بكات.
بەڵام بۆ بەشداریكردن لە یارییەكانی یۆرۆی 2024 ئامادە دەبێت.
سبەی شەممە ریال مەدرید كۆتا یاری خۆی لەم وەرزەی لالیگا بەرامبەر ریال بێتیس ئەنجام دەدات.
