یاریگا –
یانەی بارسێلۆنای ئیسپانی لە دیاریكردنی راهێنەری یانەكەی بۆ وەرزی داهاتوو خۆی یەكلاییكردووەتەوە.
لە ماوەی رابردوودا چاڤی هێرناندێز رایگەیاند لە كۆتایی وەرز ریزەكانی یانەكەی جێدەهێڵێت.
بەڵام خوان لاپۆرتا لە كۆنگرەیەكی رۆژنامەوانیدا رایگەیاند چاڤی لە بڕیارەكەی پەشیمان كردووەتەوە و وەرزی داهاتوو راهێنەرە ئیسپانییەكە راهێنەری یانەكەی دەبێت.
🚨🎖| BREAKING: Laporta called Pini Zahavi yesterday to confirm to him that Hansi Flick will be the NEW COACH of Barcelona. On Sunday, Xavi will manage his last game as the Barça coach. [@gerardromero] #fcblive 🇩🇪 pic.twitter.com/ldVKjGAWYg
— BarçaTimes (@BarcaTimes) May 24, 2024
بەپێی زانیارییەكانی جێرارد رۆمێرۆ، خوان لاپۆرتا پەیوەندی بە بەڕێوەبەری كارەكانی هانسی فلێكەوە كردووە و پێی راگەیاندووە وەرزی داهاتووی راهێنەری بارسێلۆنا دەبێت.
ئاماژەی بەوەشكردووە، رۆژی یەكشەممەی داهاتوو چاڤی هێرناندێز كۆتا یاری خۆی وەك راهێنەری بارسێلۆنا لەگەل یانەكەی دەكات.
هەریەك لە سەرچاوەكانی سكای سپۆرت، بی ئێن سپۆرت و رێلیڤۆ دووپاتیانكردەوە رۆژی دووشەممەی داهاتوو هانسی فلێك وەك راهێنەری نوێی بارسێلۆنا دەستنیشان دەكرێت.
