یاریگا –
یانەی ئەتاڵەنتا چاوەڕوانییەکانی ئاوەژۆ کردەوە و بە بردنەوە لە بایەر لیڤەرکۆزن بوو بە پاڵەوانی یۆرۆپالیگی 2023/24.
ئادیمۆلا لووکمان کە پیاوی یارییەکە بوو، بە هاتریکێک کۆتایی هێنا بە زنجیرەی شکستنەهێنانەکانی چاپی ئالۆنسۆ کە زیاتر لە 50 یاریی بوو لە هیچ خول و پاڵەوانێتیەکی نێوخۆیی و کیشوەریی نەدۆڕابوو.
History makers 🥹🏆@johnsportraits x #UELfinal pic.twitter.com/wXYYoRhLi5
— UEFA Europa League (@EuropaLeague) May 22, 2024
کوڕانی جیان پیێرۆ گاسپەرینی هەر لە گێمی یەکەمدا باڵادەستی خۆیان لەنێو خاکی دبلنی پایتەختی ئێرلەندا نواند کاتێک بە دوو گۆڵی خاوێن پێشکەوتن.
گێمی دووەم کە گێمی ڕاهێنەرانیشی پێدەگوترێت، ئاڵۆنسۆ نەیتوانی بگەڕێتەوە کەشی یاریەکە و جارێکیتر یانە ئیتاڵییەکە هەر لە ڕێگەی لووکمانی نەیجیریەوە گەیشتنەوە سەر گۆڵی ئەڵمانییەکان و نەیانهێشت سێیەم نازناوی ئەم وەرزە بەرزبکەنەوە.
ئەتاڵەنتا کە پێشتر لیڤەرپوولیشی لەم پاڵەوانێتیە دەرکردبوو، بۆ یەکەم جار توانیان لە مێژووی خۆیاندا جامەکە ببەنەوە.
