یاریگا –
ماڵپەڕ بەناوبانگی ئەتلەتیکی ئەمریکی باشترین پێکهاتە و یاریزانی ئەم وەرزەی خولەکانی ئەوروپای دەستنیشانکردووە، بێڵینگهام بە باشترین یاریزانی خولەکانی ئەم وەرزەی ئەوروپا هەڵبژێردراوە.
ماڵپەڕی زە ئەتلەتیک بەگوێرەی هەڵسەنگاندنی خۆی جود بێڵینگهام ناوەڕاستکاری ئینگلیزی یانەی ریال مەدریدی بە باشترین یاریزانی ئەم وەرزەی خولەکانی ئەوروپا هەڵبژاردووە، کە لەم وەرزە لە لالیگا 19 گۆڵ و 6 ئەسیستی کردووە، لە چامپیۆنزلیگیش بێڵی 4 گۆڵ و 4 ئەسیستی کردووە.
بێڵینگهام (20 ساڵان) گەرچی ناوەڕاستکارە، بەڵام گۆڵکاری ئەم وەرزەی ریال مەدریدە و نازناوی لالیگایان بەدەستهێناوە و گەیشتوونەتە یاریی کۆتایی چامپیۆنزلیگ و لەوێ رووبەڕووی بۆڕووسیا دۆرتموند دەبنەوە.
بەگوێرەی هەڵسەنگاندنی ماڵپەڕی The Athletic
باشترین پێکهاتەی ئەم وەرزەی خولەکانی ئەوروپا بەگوێرەی هەڵسەنگاندنی ماڵپەڕی The Athletic
گۆڵپارێز: یان سۆمەر (ئینتەر میلان)
بەرگری: ئالیخاندرۆ گریماڵدۆ (بایەر لیڤەرکوزن) – ویلیام سالیبا (ئارسێناڵ) – ئەنتۆنیۆ رۆدیگەر (ریال مەدرید) – جێرمی فریمپۆنگ (بایەر لیڤەرکوزن).
ناوەڕاست: فلۆریان فیرتز (بایەر لیڤەرکوزن) – رۆدری (مانچێستەر سیتی) – جود بێڵینگهام (ریال مەدرید).
هێرشبەر: کیلیان ئێمباپێ (پاریس سانجێرمان) – هاری کەین (بایرن میونشن) – فیل فۆدین (مانچێستەر سیتی).
