یاریگا –
لاپۆرتا لەبڕیاری خۆی پەشیمان نابێتەوە، هەفتەی داهاتوو چاڤی لە راهێنەرایەتی بارسێلۆنا دوور دەخاتەوە.
رۆژنامەی موندۆ دیپۆرتیڤۆی کەتەلۆنی ئاشکرایکردووە، خوان لاپۆرتا سەرۆکی یانەی بارسێلۆنا سوورە لەسەر ئەوەی دوای یارییەکەیان بەرامبەر سێڤییا لە دوایین گەڕی ئەم وەرزەی لالیگا بڕیاری دوورخستنەوەی چاڤی هێرناندێز راهێنەری یانەکەیان بدات.
رۆژنامە کەتەلۆنییەکە رایگەیاندووە، سەرەڕای ئەوەی چەند کەسێک لە دەوروبەری داوایان لێیکردووە بە بڕیارەکەی خۆیدا بچێتەوە و لە دوورخستنەوەی چاڤی هێرناندێز پەشیمان بێتەوە، چونکە ئەگەر چاڤی و ستافەکەی دووربخرێنەوە 20 ملیۆن یۆرۆ زیان بەر بلاوگرانا دەکەویط، لەکاتێکدا یانەکە بە دۆخێکی دارایی خراپ تێدەپەڕێت.
رۆژنامە کەتەلۆنییەکە رایگەیاندووە، لاپۆرتا هێشتا سوورە لەسەر ئەوەی هەفتەی داهاتوو بڕیاری دوورخستنەوەی چاڤی بدات و رافایل مارکێز راهێنەری لاوانی یانەکە بەربژێری سەرەکییە بۆ ئەوەی ببێتە راهێنەری بارسا، کە مارکێز پەیوەندییەکی بەهێزی لەگەڵ دیکۆ و لاپۆرتا هەیە.
بەهۆی قسەکانی چاڤی پێش یارییەکەیان بەرامبەر ئالمێریا، لاپۆرتا لە چاڤی نیگەرانە لەکاتێکدا نزیکەی مانگێک لەمەوبەر لە کۆنگرەیەکی رۆژنامەوانیدا بەردەوامبوونی ئەو راهێنەرەیان لە یانەکە راگەیاند.
