EA وەشانێکی تایبەت بە یۆرۆی 2024 بڵاودەکاتەوە و پاڵەوانیەتییەکی گەورەش رێکدەخرێت

یاریگا –

گەیمەرانی ڤیدیۆگەیمی ”ئی ئەی ئێف سی 24 – EA FC 2024” بە پەرۆشییەوە چاوەڕێی ڤێرژنی نوێی ڤیدیۆگەیمەکە دەکەن.

بڕیارە کۆمپانیای ئێلێکترۆنیک ئارتس وەشانێکی نوێی یارییەکە بەر لە دەستپێکردنی پاڵەوانیەتیی یۆرۆی 2024 بخاتە بەردەستی هەوادارانی ڤیدیۆگەیمەکە.

ئەپدەیتی یارییەکە بۆ کۆنسۆڵەکانی ”پلەیستەیشن5، ئێکس بۆکس ئێکس، ئێکس بۆکس ئێس، پلەیستەیشن 4، ئێکس بۆکس وەن، نینتێندۆ وەن و نینتێندۆ سویچ” دەکرێت.

پاڵەوانیەتی یۆرۆی 2024ی ئەلیکترۆنی

لەگەڵ دەستپێکردنی یۆرۆی 2024 لە ئەڵمانیا، پاڵەوانیەتییەکی گەورە و فەرمی یاریی ئی ئەی ئێف سی بۆ یۆرۆ بە ناوی ‘ئی یۆرۆ – eEuro’ دەستپێدەکات.

لە ناوەڕاستی ئەم مانگە، گەیمەرانی هەر 51 وڵاتی ئەندام لە یەکێتیی تۆپی پێ بەسەر حەوت کۆمەڵە دابەشکران و لە پاڵاوتنەکاندا، 7 یاریزان گەیشتنە پاڵەوانیەتی ئی یۆرۆ، لەگەڵ نوێنەری ئەڵمانیای میواندار، بوونەتە هەشت گەیمەر.

گەیمەرانی کۆتا قۆناخ

1. ڤێرگانگ – Vejrgang نوێنەرایەتی هەڵبژاردەی دانیمارک دەکات.
2. یوڤال – Yuval نوێنەرایەتی هەڵبژاردەی ئیسرائیل دەکات.
3. ئۆبرون2002 – Obrun2002 نوێنەرایەتی هەڵبژاردەی ئیتاڵیا دەکات.
4. ئاندرێس – Andreas نوێنەرایەتی هەڵبژاردەی نەرویج دەکات.
5. ئادریان – AdrianCifuentes نوێنەرایەتی هەڵبژاردەی ئیسپانیا دەکات.
6. مێرت – iMertAL نوێنەرایەتی هەڵبژاردەی تورکیا دەکات.
7. CIG_ST92 نوێنەرایەتی هەڵبژاردەی ئوکراینا دەکات.
8. ئوموت – Umut نوێنەرایەتی هەڵبژاردەی ئەڵمانیا دەکات.

قۆناخی کۆتایی پاڵەوانیەتی ئی یۆرۆ لە ناوەڕاستی مانگی داهاتوو لە بەرلین بەڕێوەدەچێت.