یانەیەكی پرێمەرلیگ رۆناڵد ئاراوخۆی دەوێت
یاریگا –
راپۆرتە رۆژنامەوانیەكانی ئیسپانیا ئاشكرایانكرد ئاستۆن ڤێلای ئینگلیزی دەیەوێت لە گواستنەوەكانی هاوینی داهاتوودا رۆناڵد ئاراوخۆی ئۆرۆگوایی و بەرگریكاری یانەی بارسێلۆنای ئیسپانی بگوازێتەوە ریزەكانی یانەكەی.
گرێبەستەكەی ئاراوخۆ لەگەڵ بارسێلۆنا لە هاوینی ساڵی 2026 بەسەردەچێت.
Aston Villa are interested in signing Ronald Araujo.
— @sport pic.twitter.com/ZgLaMYfPr3
— Barça Universal (@BarcaUniversal) May 20, 2024
بەپێی زانیارییەكانی رۆژنامەی سپۆرت، یانەی ئاستۆن ڤێلای ئینگلیزی لە دوای گەیشتنیان بە خولی یانە پاڵەوانەكانی ئەوروپای وەرزی داهاتوو دەیانەوێت ریزەكانی یانەكەیان پتەوتر بكەن.
ئاماژە بەوەشكراوە، یەكێك لە ئامانجەكانیان گواستنەوەی رۆناڵد ئاراوخۆی بەرگریكاری یانەی بارسێلۆنایە.
لە راپۆرتەكەی سپۆرتیشدا هاتووە، چەند رۆژێك پێش ئێستا بەڕێوەبەری وەرزشی ئاستۆن ڤێلا سەردانی بارسێلۆنای كردووە و بە ئیدارەی یانە كەتەلۆنییەكەی گوتوە، ئەگەر سەركەوتن بۆ چامپیۆنزلیگ ئۆفەرێك بۆ ئاراوخۆ پێشكەش دەكەن.
ئاستۆن ڤێلا توانی 68 خاڵ كۆبكاتەوە و پلەی چوارەمی ریزبەندی پرێمەرلیگ داگیر بكات و كورسییەكی خولی یانە پاڵەوانەكانی ئەوروپای وەرزی داهاتووی بەدەستهێنا.
