ئەمریکای باکوور/باشوورئیسپانیایاریگا

ماسكیرانۆ ئه‌و یاریزانه‌ی 99 یاری بۆ به‌رشه‌لۆنه‌ ئه‌نجام داوه‌ ، به‌ڵام هیچ گۆڵێكی تۆمارنه‌كرده‌وه..!!‌

خافێر ماسكیرانۆ ئه‌و یاریزانه‌ی كه‌ پیپ گواردیۆلا ڕاهێنه‌ری پێشوو یانه‌ی به‌رشه‌لۆنه‌ی ئیسپانی له‌ یاریزانی هێڵی ناوه‌نده‌وه‌ كرد به‌ یاریزانی هێڵی به‌رگری

ماسكیرانۆ له‌ ساڵی 30/8/2010 له‌ یانه‌ی لیڤه‌رپولی ئینگلیزیه‌وه‌ په‌یوه‌ندی كرد به‌ یانه‌ی به‌رشه‌لۆنه‌ی ئیسپانی  ، له‌ ساڵی 2010 دا له‌ كاتی ئه‌نجام دانی گرێبه‌سته‌كه‌ی هه‌ردوو یانه‌ له‌ سه‌ر بری سێ ملیۆن یۆرۆ ناكۆك بوون ، بۆیه‌ ماسكیرانۆ خۆی ئه‌و بره‌ی دایه یانه‌ی لیڤه‌رپوول تا په‌یوه‌ندی بكات به‌ یانه‌ كه‌ته‌لۆنیه‌كه‌وه‌ .

خافێر كاتێك په‌یوه‌ندی كرد به‌ یانه‌ی به‌رشه‌لۆنه‌پێشتر له‌ یانه‌ی لیڤه‌رپوول له‌ هێڵی ناوه‌ند یاری ده‌كرد به‌ڵام كاتێك هاته‌ به‌رشه‌لۆنه‌ ڕاهێنه‌ری پێشوو به‌رشه‌لۆنه‌ پیپ گواردیۆلا له‌ هێڵی به‌رگریدا سودی له‌م یاریزانه‌ وه‌رگرتو وه‌ ماسكیرانۆش سه‌ركه‌وتوبوو له‌و شوێنه‌دا وه‌ ڕاهێنه‌ری ئێستای یانه‌ی به‌رشه‌لۆنه‌ تیتۆ ڤیلانۆڤا به‌ هه‌مان شێوه‌ گواردیۆلا یاریزان ماسكیرانۆ له‌ هێڵی به‌رگریدا یاری پێده‌كات ، به‌ڵام له‌گه‌ڵ هه‌ڵبژارده‌ی ئه‌رژه‌نتین له‌ هێڵی ناوه‌ندا یاری ده‌كات

خافێر ماسكیرانۆ تا ئیستا 99 یاری بۆ به‌رشه‌لۆنه‌ ئه‌نجام داوه‌ و به‌ڵام نه‌یتوانیوه‌ هیچ گۆڵێك بۆ به‌رشه‌ تۆماربكات ،  له‌وه‌رزی 2010 ــ 2011 ماسكیرانۆ 45 یاری له‌گه‌ڵ به‌رشه‌لۆنه‌ ئه‌نجام دا كه‌ 27 یاریان له‌ خولی ئیسپانی و 11 یاریان له‌ خولی یانه‌ پاڵه‌وانه‌كانی ئه‌وروپا و 7 یاریشی له‌ جامی شای ئیسپانیا بوو

وه‌ له‌ وه‌رزی 2011 ــ 2012 ماسكیرانۆ 52 یاری له‌گه‌ڵ یانه‌ كه‌تۆلۆنیه‌كه‌ ئه‌نجام بدات كه‌ 31 یاریان له‌ خولی ئیسپانی و 10 یاریان له‌ خولی یانه‌ پاڵه‌وانه‌كانی ئه‌وروپا و 6 یاریان له‌ جامی شای ئیسپانیا و 2 یاریان له‌ جامی سوپه‌ری ئیسپانی و 1 یاریان له‌ جامی سوپه‌ری ئه‌وروپی و 2 یاریشیان له‌ جامی مۆندیالی یانه‌كان بوو

وه‌ له‌م وه‌رزه‌شدا ماسكیرانۆ تا ئێستا 2 یاری ئه‌نجام داوه‌ كه‌ یاریه‌كیان له‌ خولی ئیسپانی له‌ به‌رامبه‌ر یانه‌ی ریال سۆسیدا كه‌ یانه‌ی بارسا توانی به‌ ئه‌نجامی 5ــ1 یاریه‌كه‌ به‌رێته‌وه‌ و یاری دووه‌میشی له‌ یاری چوونی جامی سوپه‌ری ئیسپانی بوو له‌ به‌رامبه‌ر یانه‌ی ریال مه‌درید كه‌ یانه‌ی بلوگرانا توانی به‌ ئه‌نجامی 3ــ2 یاریه‌كه‌ به‌رێته‌وه

له‌ كۆی ئه‌م هه‌موو یاریانه‌ كه‌ ده‌كاته‌ 99 یاری ماسكیرانۆ 7.738 خوله‌ك به‌درێسه‌ ڕه‌نگاوڕه‌نگه‌كانی یانه‌ كه‌ته‌لۆنیه‌كه‌ یاری كرده‌وه‌ و به‌ڵام تا ئێستا هیچ گۆڵێكی تۆمار نه‌كردوه

خافێر ماسكیرانۆ له‌ دوو وه‌رزی رابردوو له‌گه‌ڵ یانه‌ی به‌رشه‌لۆنه‌ 7 نازناوی به‌ده‌ست هێناوه‌ كه‌ ئه‌مانه‌ن 1 نازناوی خولی ئیسپانیا و 1 نازناوی خولی یانه‌ پاڵه‌وانه‌كانی ئه‌وروپا و 2 نازناوی جامی سوپه‌ری ئیسپانی و 1 نازناوی جامی شای ئیسپانیا و 1 نازناوی جامی سوپه‌ری ئه‌وروپی و 1 نازناوی جامی مۆندیالی یانه‌كان‌

  ئه‌وه‌ جێگای ئاماژه‌پێكردنه‌ ماسكیرانۆ له‌گه‌ڵ یانه‌ی به‌رشه‌لۆنه‌ له‌ یاری گه‌ڕانه‌وه‌ی جامی سوپه‌ری ئیسپانی له‌ ڕۆژی چوار شه‌ممه‌ به‌رواری 29/8/2012 له‌ یاریگای سانتیاگۆ بێرنابیۆ له‌ به‌رامبه‌ر یانه‌ی ریال مه‌درید یاری ژماره‌  100 ـی خۆ له‌گه‌ڵ یانه‌كه‌ی هه‌رێمی كه‌ته‌لۆنیا ئه‌نجام ده‌دات

 یاریزانی ناوبراو بۆنده‌كه‌ی له‌گه‌ڵ یانه‌ی به‌رشه‌لۆنه‌ تا ساڵی 2016  یه‌

(برۆفایلی یاریزان خافێر ماسكیرانۆ)

خافيير ماسكيرانو
منتخب الأرجنتينهه‌ڵبژارده‌ی ئه‌رژه‌نتین
خافێر ماسكيرانۆ
نازناو: El Jefecito
به‌رواری له‌دایك بوونی: 8/6/1984 (28 ساڵ)
شوێنی له‌دایك بوونی: San Lorenzo, Santa Fe
ناسنامه‌: ئه‌رژه‌نتینی
باڵای: 178 cm.
كێش : 77 Kg.
شوێنی یاریكردن: هێڵی به‌رگری و هێڵی ناوه‌ند
ژماره‌ی درێس: 14
یانه‌: به‌رشه‌لۆنه‌

به‌وێنه‌ : ده‌ستكه‌وته‌كانی ماسكی له‌گه‌ڵ بارسا‌  ‌

Mascherano podría ser centenario ante el Madrid | Foto: Marc Creus/Carles Javierre/Bwokaa

 

 

 

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close