دوایین زانیاریی لەسەر تەندروستی هاری کەین
یاریگا –
چەند ڕۆژێکە دەنگوباس لەبارەی تەندروستی هاری کەینەوە نیگەرانی و دڵەڕاوکێی دروستکردووە بەتایبەت لای هاندەرانی هەڵبژاردەی ئینگلتەرای.
ئەستێرە ئینگلیزیەکە ماوەیەکە بەدەست ئازاری پشتیەوە دەناڵێنێت و کۆتا دوو یاریی بۆندسلیگایشی هەر بەو هۆیەوە بەشدار نەبوو.
ئەوە جگە لەوەی لە پاش کرانە دەرەوەیان لە قۆناخی پێش کۆتایی چامپیۆنزلیگ لەسەردەستی ریاڵ مەدرید، تۆماس توخێل رایگەیاند کە گۆکارەکەیان پشتئێشەیەکی وەڕەسکەری هەیە و ڕۆژانە لە کاتی جموجۆڵدا سەرهەڵدەداتەوە، ئەوە بوو لە یارییەکەی ریاڵیش گۆڕانکاری پێکرا.
ئێستا کە کەمتر لە تەنها 25 رۆژی ماوە بۆ یارییەکانی یۆرۆی 2024ی ئەڵمانیا، گومان لە ئامادەبوونی تەواوەتی گۆڵکارەکە دروست بووە بۆ ئەو پاڵەوانێتیە کیشوەریە. بەڵام تۆڕی هەواڵی سکای سپۆرتسی ئەڵمانی زانیاریی دڵخۆشکەری بۆ هاندەرانی سێ شێرەکە پێیە و ڕایگەیاندووە کە کاپتنەکەیان ئەڵمانیای جێهێشتووە و گەڕاوەتەوە بۆ ئینگلتەرا و چارەسەر بۆ گرفتەکەی پشتی وەردەگرێت.
سەرچاوەکە لە زاری فلۆریان پلێتنبێرگی ڕۆژنامەنووسەوە بڵاویکردووەتەوە کە بەشداریکردنی کاپتنی ئینگلیزەکان لە یۆرۆ مەترسی لەسەر نییە. ئەو ئێستا چارەسەری تایبەتی پێدەدرێت تا تەواو ئامادەبێت.
🚨News @HKane | I was told that the Euro is NOT in danger! #Kane is undergoing special treatment due to his back issues and has already left Munich.
He aims to be fit in time for the Euro. 44 goals and 12 assists this season. @SkySportDE 🏴 pic.twitter.com/P9l5asdSHD
— Florian Plettenberg (@Plettigoal) May 20, 2024
کەین ئەگەرچی بێ نازناو کۆتایی بە یەکەم ئەزموونی هێنا لەگەڵ بایرن موینخ، بەڵام توانا گۆڵکارییەکانی پیشان دایەوە بە جۆرێک لە 45 یاریی سەرجەم پاڵەوانێتیەکاندا لەگەڵ باڤارییەکان توانی 44 گۆڵ تۆمار بکات و 12 دیکەیش دروست بکات.
ئینگلتەرا لە 3 و 7ی مانگی داهاتوو دوو یاری دۆستانەی هەیە. لە 16ی مانگیش یەکەم یاریی خۆیان لە یۆرۆی ئەڵمانیا بەرانبەر ئایسلەندا ئەنجام دەدەن.
