یاریگا –
تۆماس توخێل کۆتا رۆژەکانی خۆی دەژمێرێ لە یانەی بایرن میونشن دوای وەرزە بێ بەرهەمەکەی.
لە چەند رۆژی ڕابردوودا راهێنەرە ئەڵمانیەکە رایگەیاند کە لەگەڵ باڤارییەکان نامێنێتەوە و نەگەیشتوونەتە ڕێککەوتن.
دەرچوونی توخێل لە میونشن هەروا بێ بەرانبەر نابێت، بەپێچەوانەوە بڕێکی باش لەسەر خەزێنەی یانەکە دەکەوێ، بە جۆرێک، بەگوێرەی زانیارییەکانی فلۆریان پلێتنبێرگی نزیک لە یانە ئەڵمانییەکە، بۆ دەستبەرداربوون لە ڕاهێنەرەکەیان، دەبێت بایرن بڕی 10 ملیۆن یۆرۆ قەرەبووی تۆماس توخێل بکاتەوە.
🚨 Thomas Tuchel will receive a severance pay of well over €10m from Bayern Munich.
Tuchel will be released out of his contract, so a potential new club won't have to pay Bayern a compensation fee.
And Tuchel will also receive his full severance pay even if he joins a new… pic.twitter.com/HxXPO9L3aF
— Transfer News Live (@DeadlineDayLive) May 20, 2024
بەپێی گرێبەستی نێوانیان، توخێل تا هاوینی 2025 لەگەڵ زلهێزەکەی ئەڵمانیا دەمایەوە، بەڵام ئەنجامە خراپەکانی هەرزوو کارگێڕی یانەکەی خستە هەڵپەوە بۆ بیرکردنەوە لە شوێنگرەوەیەک. هەر بۆیە، هەر یانەیەک بیەوێت ئەم هاوینە ئەو ڕاهێنەرە بگوازنەوە، هیچ بڕە پارەیەک نادەن بە لایەنی ئەڵمانی.
