كیلیان ئێمباپێ گرێبەستەكەی واژۆ كردووە
یاریگا –
کیلیان ئێمباپێی فەرەنسی واژۆی بۆ یانەی ریال مەدریدی ئیسپانی کردووە.
لە ماوەی رابردوودا كیلیان ئێمباپێ بەشێوەیەكی فەرمی لە كۆتایی وەرز رۆیشتنی لە ریزەكانی پاریس سانجێرمان راگەیاند.
MERCI. 🔴🔵 @PSG_inside pic.twitter.com/t0cL2wPpjX
— Kylian Mbappé (@KMbappe) May 10, 2024
رۆژنامەنووسی فەڕەنسی، عەبدوڵا بولما بڵاویکردووەتەوە، کیلیان ئێمباپێ گرێبەستەی لەگەڵ ریال مەدرید واژۆ کردووە و بووە بە یاریزانێکی نوێی یانە ئیسپانییەکە.
ئاماژەی بەوەشكردووە، بەرێژەی %100 كیلیان ئێمباپێ گرێبەستەكەی لەگەڵ ریال مەدرید واژۆ كردووە.
رۆژنامە نووسە فەڕەنسیەكە ئەوەشی خستووەتە روو، لە بەرواری 21ی شوبات لە شاری بارسێلۆنا ئەو كاتەی ئێمباپێ لە پشوودا بووە گرێبەستەكەی لەگەڵ یانە شاهانەكە واژۆ كردووە.
ئێمباپێ لە هاوینی 2018 بەبڕی 180 ملیۆن یۆرۆ لە مۆناکۆی فەڕەنسییەوە پەیوەندی بە پاریس کرد، بە درێسی یانەکەی ئێستای لە سەرجەم پاڵەوانێتییەکاندا 307 یاری کردووە، 256 گۆڵی کردووە و 108 گۆڵیشی درووستکردووە.
