فه‌ره‌نسا
رەنگە ئێمباپێ لە یاری کۆتایی جامی فەڕەنسا بێبەش بکرێت
یاریگا-کیلیان ئێمباپێ رەنگە بانگهێشتنەکرێت بۆ یاری کۆتایی جامی فەڕەنسا بەرامبەر لیۆن.
لەوکاتەوەی بڕیاری رۆیشتنی لە یانەکە راگەیاندووە،پاریس دوو یاری بەرامبەر نیس و مێتز ئەنجامداوە و ئێمباپێ لە هەردوو یارییەکە دوورخراوەتەوە.
بەگوێرەی ئاڕ ئێم سی سپۆرت، رەنگە ناوبراو کۆتا یاری خۆی بۆ پاریس ئەنجام دابێت و بانگهێشتی یاری کۆتایی جامی فەڕەنسا نەکات.
پاریس ناسناوی ئەم وەرزەی خولی فەڕەنسی یەکلاکردەوە و جارێکیتر ئێمباپێ گۆڵکاری خولەکە بوو، لە 25ی ئەم مانگەشدا لە یاری کۆتایی جامی فەڕەنسا کۆتا یاری ئەم وەرزە ئەنجام دەدات.
بەگووتەی سەرچاوەکە، فرۆشتنی عوسمان دێمبێلێش لە ئارادایە بەهۆی رەفتارەکانی ئەم دواییەی ئەو یاریزانە لە نێویاندا ئاهەنگگێڕانی شەوانە لەگەڵ ئێمباپێ بەر لە یارییەکەی مێتز کە سەرەنجام لەو یارییە دوورخرایەوە.
