هەڵوێستی بایرن میونشن لەبارەی زیدان گۆڕاوە؟
یاریگا –
زینەدین زیدانی فەڕەنسی ئامانجی باڤارییەکان نییە و هیچ شتێک نەگۆڕاوە.
رۆژنامەنووسی تۆڕی سکای سپۆرت، فلۆریان پلاتنبێرگ بڵاویکردووەتەوە، هەڵوێستی بایرن میونشن لەبارەی زیدان نەگۆڕاوە و ئارەزووی واژۆکردنی گرێبەست لەگەڵیدا ناکەن.
مانگێک لەمەوبەر دەنگۆی گرینگیدانی بایرن بە زیدان بڵاوکرایەوە، بەڵام فلۆریان دەنگۆکانی بەدرۆخستەوە و ئاشکرایکرد راهێنەرە فەڕەنسییەکە لە لیستی پاڵێوراوەکانی یانە ئەڵمانییەکە نییە و هیچ پەیوەندییەک لە نێوان زیزۆ و بایرندا نییە.
⤵️ Nothing has changed about that: #Zidane is not a topic at Bayern! @SkySportDE 🇫🇷 https://t.co/VF1S8teidm
— Florian Plettenberg (@Plettigoal) May 19, 2024
بەهۆی نەدۆزینەوەی شوێنگرەوەیەکی گونجاو، بایرن میونشن هەوڵیدا تۆماس توخێل لە پۆستەکەی بهێڵێتەوە، بەڵام راهێنەرە ئەڵمانییەکە ئامادە نەبوو بمێنێتەوە و ئارەزوو دەکات جارێکی دیکە بگەڕێتەوە پرێمەرلیگ.
جولیان ناگلیسمان، چابی ئاڵۆنسۆ و هانس فیلیک سەرەکیترین بژاردەکانی بایرن بوون بۆ شوێنگرەوەی توخێل، بەڵام بایرن لە گواستنەوەی هیچکامیان سەرکەوتوو نەبوو.
بایرن میونشن وەرزێکی خراپی بەڕێکرد، نەیتوانی هیچ نازناوێک بەدەستبهێنێت، لە بۆندسلیگاش پلەی سێیەمی بەدەستهێنا و نەیتوانی خۆی بگەیەنێتە جامی سوپەری ئەڵمانیا.
