ڤیدیۆ؛ برایەکەی ئێمباپێ دەچێتە ریال مەدرید؟
یاریگا –
برایەکەی ئێمباپێ لە نوێترین دەرکەوتنیدا رەتیدەکاتەوە بچێتە ریزەکانی ریال مەدرید، لەکاتێکدا چوونی برایە گەورەکەی بۆ یانە ئیسپانییەکە چاوەڕوانکراوە.
لە گرتەیەکی ڤیدیۆییدا ئیتان ئێمباپێ برایە بچووکەکەی کیلیان ئێمباپێ کاتێک لێی دەپرسن دەچێتە ریزەکانی ریال مەدرید، لە وەڵامدا دەڵێت نەخێر.
🇫🇷 La réponse d’Ethan Mbappé à la sortie de l’entraînement hier.
« Tu va aller au Réal comme ton frère ? »
Ethan Mbappé : « Noon » pic.twitter.com/qbt0U37adP
— EMBAPPE FR (@EMBAPPEFR) May 19, 2024
ئیتان (17 ساڵان) هاوینی 2017 چووە ریزەکانی پاریس سانجێرمان و کۆتایی مانگی داهاتوو گرێبەستەکەی لەگەڵ پاریس سانجێرمان کۆتایی دێت و تاوەکو ئێستا گرێبەستەکەی نوێ نەکردووەتەوە، لەکاتێکدا رۆیشتنی برایە گەورەکەی لە پاریس سانجێرمان بووەتە فەرمی.
ئیتان لە بۆرسەی یاریزاناندا نرخەکەی نیو ملیۆن یۆرۆیە و ئەم وەرزە بۆیەکەمجار لە خولی فڕەنسی دەرفەتی یاریکردنی پێدرا و لە تیپی لاوانەوە بۆ تیپی یەکەم سەرخرا.
