یاریگا –
ئێمباپێ لە دوایین یاریی ئەم وەرزەی خولی فڕەنسی بێبەش دەبێت و بۆ یارییەکەی ئەمشەو بەرامبەر میتز بانگهێشت نەکراوە.
لویس ئێنریکی راهێنەری پاریس سانجێرمانی فڕەنسی بۆ یاریی ئەمشەو لە گەڕی سی و چوارەمی خولی فڕەنسی بانگهێشتی کیلیان ئێمباپێ، لۆکاس هێرناندێز، ڤیتینها، عوسمان دێمبلی، فابیان رویز، جیانلویجی دۆنارۆما و مارکینهۆسی نەکردووە، تەنیا 20 یاریزانی بۆ ئەو یارییە بانگهێشت کردووە.
🗒️🆗
Skuad Les Parisiens untuk laga terakhir di Ligue 1 musim ini! 👊#FCMPSG | #Ligue1 pic.twitter.com/EkIMEZGhmK
— Paris Saint-Germain (@PSGindonesia) May 19, 2024
هەفتەی رابردوو ئێمباپێ لە یاریگای پارک دێ پرێنسیس ماڵئاوایی لە هاندەرانی پاریس سانجێرمان کرد و ئەمشەو لە دوایین یاریی یانەکەی لەم وەرزەی خولی فڕەنسی بێبەش دەبێت، کاتێک پاریس لە دەرەوەی یاریگای خۆی کاتژمێر 22:00 دەبێتە میوانی میتز.
ئێمباپێ خەڵاتی گۆڵکاری ئەم وەرزەی لیگ ئای مسۆگەرکردووە، کە لە 29 یاری 27 گۆڵ و 7 ئەسیستی کردووە و جۆناتان دەیڤید هێرشبەری لیل نزیکترین رکابەرە لێی و تەنیا 19 گۆڵی کردووە.
رۆژی شەممەی داهاتوو پاریس سانجێرمان لە یاریی کۆتایی جامی فڕەنسا رووبەڕووی لیۆن دەبێتەوە و هێشتا ئامادەبوونی ئێمباپێ بۆ ئەو یارییە یەکلانەبووەتەوە کە بەهۆی پێکانەوە لە یانەکەی دابڕاوە.
