یاریگا –
بایرن میونشن هێشتا عەوداڵە بۆ دۆزینەوەی شوێنگرەوەی دڵخوازی خۆیان بۆ دوای رۆیشتنی تۆماس توخێل کە چاوەڕوان دەکرێ بەم نزیکانە لێک جیا ببنەوە.
لە چەند رۆژی رابردوودا زانیارییەکان باسیان لەوە کرد چەند ئەستێرەیەکی یانەکە فشاریان دروستکردووە بۆ هێشتنەوەی توخێل، بەڵام دواتر درەکەوت هەوڵەکانیان بێ ئاکام بووە بەوەی کارگێڕی و راهێنەرەکە نەگەشتوونەتە ڕێککەوتن.
رۆ بێرتۆ دی زێربی، کە چەند مانگێکە وەک یەکێک لە بەهێزترین بەربژێرەکان تەماشا دەکرا بۆ پۆستەکە، ئەمڕۆ بە فەرمی ڕۆیشتنی لە برایتن راگەیەندرا، ئەوەش گومانەکانی زیاتر کرد کە وێستگەی داهاتووی لەگەڵ باڤارییەکان دەبێ. بەڵام فابریزۆ رۆمانۆی رۆژنامەنووس زانیاری جیاوازتری بڵاو کردووەتەوە و هەر پەیوەندیەکی لەو جۆرەی ڕەتکردووەتەوه. وەک رۆمانۆ نووسیویەتی؛ سەرەڕای پەیوەندی و گفتوگۆ نێوخۆییەکان لە مانگی مارس و ئەپرێڵ، رۆبێرتۆ دی زێربی نابێتە راهێنەری نوێی بایرن میونشن.
🔴 Despite internal talks and contacts in March and April, Roberto de Zerbi will not become new FC Bayern manager.
Max Eberl confirmed that the new head coach will not be Italian, internal decision 100% guaranteed.
De Zerbi and Bayern decided not to proceed already weeks ago. pic.twitter.com/EBq0aDqrE6
— Fabrizio Romano (@FabrizioRomano) May 18, 2024
ئەو ڕاهێنەر ئیتاڵییە لە زاری ماکس ئێبێرڵی بەڕێوبەری وەرزشی بایرنەوە گواستویەتیەوە کە دڵنیایی داوە بەگوێرەی بڕیاری نێوخۆیی یانەکە، راهێنەری نوێ ئیتاڵی نابێ، ئەو بڕیارەیش بە ڕێژەی 100% گەرەنتی کراوە.
لە دیارترین ئەو ڕاهێنەرە ئیتاڵیانەی پۆستی ڕاهێنەرایەتی باڤاریەکانیان بەڕێوەبردبێت، جیۆڤانی تراپاتۆنی و کارلۆ ئانچلۆتی بوون، بەبێ ئەوەی بتوانن بایرن بە نازناوە گەورەکەی ئەوروپا “چامپیۆنزلیگ” شاد بکەنەوە.
