بەفەرمی کیکی سانچێز سێڤییا جێدەهێڵێت
یاریگا –
بەشێوەیەکی فەرمی کیکی سانچێز لە کۆتایی ئەم وەرزە سێڤییا جێدەهێڵیت.
کەمێک لەمەوبەر یانەی سێڤییا بەیاننامەیەکی فەرمی بڵاوکردەوە، رایگەیاند بە رێککەوتنی نێوان هەردوولایەن، گرێبەستی کیکی سانچێزی راهێنەری یانەکەیان هەڵوەشاندووەتەوە، راهێنەرەکە لە کۆتایی ئەم وەرزە یانەکە جێدەهێڵێت.
سانچێز لە دیسێمبەری ساڵی رابردوو ئەرکی راهێنەرایەتی یانە ئیسپانییەکەی لە ئەستۆ گرت، لەم وەرزە لەسەرجەم پاڵەوانێتییەکاندا 23 یاری راهێنەری تیپەکە بووە، 20 یاری لە لالیگا و 3 یاریش لە جامی شای ئیسپانیا.
یارییەکانی گەڕی 37 و 38ـی لالیگا بەرامبەر ئاتلێتیک بلباو و بارسێلۆنا دەبێت بە کۆتا دوو یاری کیکی لەگەڵ سێڤییا.
سانچێز لە 23 یاری لەگەڵ سێڤییا 10 بردنەوەی بەدەستهێناوە، 9 یاری دۆڕاندووە و لە 4 یاریش تیپەکەی یەکسانبووە.
ℹ️ Quique Sánchez Flores dejará de ser el entrenador del #SevillaFC al final de la presente temporada.#WeareSevilla
— Sevilla Fútbol Club (@SevillaFC) May 18, 2024
