ڤیدیۆ؛ ئێندریک بە پێکانەکەی ترسی خستووەتە ناو دڵی مەدریدییەکان و بەڕازیلییەکان
یاریگا –
ئێندریک یاریزانی لاوی بەڕازیلی داهاتووی یانەی ریال مەدرید مانگێک پێش دەستپێکی کۆپا ئەمریکا تووشی پێکان بووە و ترسی خستووەتە ناو دڵی هاندەرانی ریال مەدرید و بەڕازیل.
سەرەلەبەیانی ئەمڕۆ پێنجشەممە (16/05/2024) ئێندریک لە جامی لیبەرتادۆریس لە یاریی نێوان پالمێراس و ئیندیپێندێت بەهۆی پێکانەوە یاریگای بەجێهێشت و نەیتوانی یارییەکە تەواو بکات، کە پالمێراس 2-1 یارییەکەی بردەوە و گەیشتە قۆناخی داهاتوو.
🚨 BREAKING: Endrick mengalami cedera ketika bertanding dengan Palmeiras hari ini. 🇧🇷
Dia sampai harus ditandu keluar lapangan. Saat ini masih belum diketahui seberapa serius cedera Endrick. Menunggu pengumuman resmi dari Palmeiras.
Hope nothing serious. pic.twitter.com/30KjXPnCd1
— Seputar Real Madrid (@SeputarMadrid) May 16, 2024
رۆژنامەی ASـی ئیسپانی ئاشکرایکردووە، پێشبینی دەکرێت بەلایەنی کەم ئێندریک بەهۆی پێکانەکەی سێ هەفتە لە یاریگاکان داببڕێت، لەکاتێکدا بۆ بەشداریکردن بۆ کۆپا ئەمریکا بانگهێشتی هەڵبژاردەی بەڕازیل کراوە و سێلیساو رۆژی 24ـی مانگی داهاتوو یەکەم یاریی خۆی لە پاڵەوانێتییەکە بەرامبەر کۆستاریکا دەکات.
رۆژنامەی مارکاش ئاشکرایکردووە، هاندەرانی ریال مەدرید و هەڵبژاردەی بەڕازیل بەهۆی پێکانەکەی ئێندریک هەست بە نیگەرانی و دووڵی دەکەن، کە وابڕیارە ئەم هاوینە ئەو یاریزانە لاوە بچێتە ریزەکانی یانە ئیسپانییەکە.
رۆژانی 8 و 12ـی مانگی داهاتوو بەڕازیل دوو یاریی دۆستانە و ئامادەکاریی بۆ کۆپا ئەمریکا دەکات و رووبەڕووی مەکسیک و ئەمریکا دەبێتەوە.
