یاریگا –
لەنێو بارسێلۆنا یاریزانان، راهێنەر و بەڕێوەبەری وەرزشی یانەكە پێیانوایە سیخوڕێك لەنێو یانەکەیان هەیە كە نهێنییەکانیان دەگەیەنێتە میدیاکان، بەڵام تاوەکو ئێستا نەیانتوانیوە بیدۆزنەوە.
وا بڕیارە ئەمڕۆ پێنجشەممە كاتژمێر 22:30 بە كاتی كوردستان ئالمێریا لە یاریگای خۆیدا میوانداری بارسێلۆنا بكات، لە میانی یارییەكانی هەفتەی 36ی لالیگای ئیسپانیا.
🗺️ Els 𝐡𝐨𝐫𝐚𝐫𝐢𝐬 𝐢 𝐥𝐞𝐬 𝐭𝐞𝐥𝐞𝐯𝐢𝐬𝐢𝐨𝐧𝐬 del #AlmeriaBarçahttps://t.co/6HyYJugnun
— FC Barcelona (@FCBarcelona_cat) May 15, 2024
دیكۆی پۆرتوگالی و بەڕێوەبەری وەرزشی بارسێلۆنا، بەڵێنی داوە یانەكە لەو سیخوڕە رزگار بكات كە لە ماوەی رابردوودا بە دەستیەوە دەیانناڵاند، بە دزە پێكردنی هەواڵی یانەكە و نهێنییەكانی ژووری جل گۆڕین.
بەپێی زانیارییەكانی رۆژنامەی ئاس، یانە كەتەلۆننیەكە لەم وەرزەدا بەهۆی دزەپێكردنی زانیارییەكانەوە زیانێكی زۆری بەركەوتووە.
دیكۆ گلەیی لە دزەپێكردنی زانیارییەكان دەكات و دڵنییایە لەوەی سیخوڕێك لە ناو ماڵی بارسێلۆنادا هەیە، بەتایبەت دوای ئەوەی هەواڵێك دەربارەی ڤیتۆر رۆكی بڵاوبوویەوە.
ℹ️ Among the final confirmed participants at the Sports Tomorrow Congress by @BarcaInnoHub is FC Barcelona sporting director Deco, who will host a session on 'The future of the player transfer market' on Tuesday, February 27.https://t.co/WNUJ5HJGYh
— FC Barcelona (@FCBarcelona) February 23, 2024
لە دوای یاریی رابردووی بارسێلۆنا بەرامبەر ریال سۆسێداد دیكۆ گوتی:
لێرە چەند كەسێك لە زانیارییەكان بەرپرسیارن، من وەك بەڕێوەبەری وەرزشی، چاڤی وەك راهێنەر و لاپۆرتا وەك سەرۆك، ئەگەر هەواڵ و زانیارییەكان لە ئێمەوە نەهاتن و بڵاونەكرانەوە، ئەوا نازانم لە كوێوە بڵاودەكرێتەوە.
بەپێی زانیارییەكانی هەمان سەرچاوە، دیكۆ خۆی رەزامەندی لەسەر دامەزراندنی لیژنەیەك دەربڕیوە كە بریتین لە بۆیان كریكیچ، رافایێل یوستی، خوان سۆلەر و ئێنریك ماسیپ ئەمەش مانای وایە زانیارییەكانی یانە كەتەلۆننیەكە لەبەردەمی چەند كەسێكدایە.
لە كۆتایی راپۆرتەكەشدا هاتووە، دیكۆ بەڵێنی داوە هەموو جۆرە سیخوڕییەك لە ناو بارسێلۆنادا لەناو دەبات.
یانە كەتەلۆننیەكە بە كۆكردنەوەی 76 خاڵ لە ریزبەندی دووەمی لالیگا دێت.
