یاریگا –
هەرچەندە ئیدێن هازارد لە ئۆکتۆبەر/تشرینی یەکەمی ساڵی رابردوو، وازی لە یاریکردن هێنا، بەڵام گرێبەستی گواستنەوەی لە چێڵسی بۆ ریال مەدرید هێشتا چالاکە.
رۆژنامەی تێلێگراف بڵاویکردووەتەوە، چێڵسی بڕی پێنج ملیۆن پاوەند وەک پاداشتی گواستنەوەی هازارد لە ریال مەدرید وەردەگرێت، دوای ئەوەی یانە ئیسپانییەکە گەیشتە یاری کۆتایی چامپیۆنزلیگ، لە کاتێکدا یاریزانە بەلجیکییەکە حەوت مانگە خۆی خانەنشین کردووە.
هازارد لە هاوینی ساڵی 2019 بەبڕی 130 ملیۆن پاوەند لەگەڵ 40 ملیۆن پاوەندی زیادەی پەیوەست بە دەستکەوتەکان پەیوەندی بە ریال مەدرید کرد. بە گەیشتنی مەدرید بە یاری کۆتایی، خۆکارانە چێڵسی پێنج ملیۆن پاوەندی پێدەگات.
Exclusive: Chelsea to land £5m Eden Hazard bonus despite player’s retirement
✍️ @mcgrathmike and @Matt_Law_DT#TelegraphFootball #cfc
— Telegraph Football (@TeleFootball) May 15, 2024
ریال و هازارد لە هاوینی رابردوودا لەسەر هەڵوەشاندنەوەی گرێبەست رێککەوتن و لە ئۆکتۆبەر/تشرینی یەکەمی ساڵی رابردوودا، وازی لە یاریکردن هێنا، بەڵام بڕگەکانی گرێبەستی گواستنەوەی لە چێڵسی تاوەکو ئێستاش چالاکن.
هەرچەندە بڕی پارەکە بەراورد بە دەوڵەمەندی چێڵسی بەهایەکی ئەوتۆی نابێت، بەڵام یارمەتیدەری چارەسەرکردنی چەند کێشەیەک دەبێت.
